Վաղը՝ հունվարի 11-ին ժամը 14:00-ին Aravot.am-ի ֆեյսբուքյան էջով, ուղիղ հեռարձակմամբ դիտեք «Դեմ առ դեմ» հաղորդաշարը, որի հյուրերն են՝ «Կասեցում» քաղաքացիական շարժման համակարգող Սամսոն Գրիգորյանը եւ գործարար, «Անտարես» հրատարակչության ղեկավար Արմեն Մարտիրոսյանը:
Հաղորդման շրջանակներում կխոսենք Հարկային նոր օրենսգրքի փոփոխություններից: Կքննարկենք, թե առաջարկվող եկամտային հարկի համահարթ համակարգը որքանով կնպաստի ստվերի կրճատմանը, քաղաքացիների ու բիզնեսի հարկային բեռի թեթեւացմանը, որն է եկամտային հարկի ցանկալի մոդելը:
Կխոսենք նաեւ, թե նոր կառավարության տնտեսական ծրագրերը որքանով են հեղափոխական:
Հաղորդման հյուրերին կարող եք հարցեր ուղղել այս գրառման ներքո՝ որպես մեկնաբանություն, նաեւ օգտագործելով Facebook-ը:
Հիշեցնում ենք, որ մեր կայքում չեն հրապարակվում տրանսլիտով գրված կամ վիրավորանք պարունակող մեկնաբանությունները:
Լուսինե ԲՈՒԴԱՂՅԱՆ
