«Ես ինձ կբնութագրեի իբրև անկախ կինոռեժիսոր, որ փորձեր է անում պատմություններ պատմել՝ սովորական կինոդիտման վայրերից դուրս»,-մի առիթով ասել է Անտուան Վագները: Նա եվրոպա-ամերիկյան արվեստագետ է, կոմպոզիտոր Ռիխարդ Վագների ծոռը, մարդ, որին երկրորդ անգամ է Հայաստանը կանչում, այս անգամ` Հայաստանի ազգային պատկերասրահում ներկայանալու նոր նախագծով:
Անտուան Վագներին ոգեշնչել է Վարդգես Սուրենյանցի «Շամիրամը` Արա Գեղեցիկի դիակի մոտ» չքնաղ կտավը եւ մղել այդ պատմությունը նորովի պատմելու` նոր լուծումներով մատուցելու, անդրադառնալու Արա Գեղեցիկի առասպելին՝ որպես ներկայում ապրող անցյալի պատմություն: Այդպիսով նա նաեւ յուրատեսակ տուրք է մատուցում Հայաստանի հարուստ պատմությանը: Արա Գեղեցիկ եւ Շամիրամ-Սուրենյանց-Անտուան Վագներ շղթան, սակայն, փոխկապակցված է արվեստագետի հզոր նախապապի` կոմպոզիտոր Ռիխարդ Վագների արվեստի ուժի հետ, քանի որ վերջինիս ազդեցությունը տարածված է իր կոմպոզիցիայի սահմաններից դուրս` փիլիսոփայությունից մինչեւ կիրառական արվեստ ու գրականություն:
Լուսանկարը` ԳՈՀԱՐ ՀԱԿՈԲՅԱՆԻ
«Առավոտ» օրաթերթ
Կարդացեք նաև
04.04.2019
