Այսօր Վերաքննիչ քրեական դատարանում երկրորդ նախագահ Ռոբերտ Քոչարյանի նկատմամբ ընտրված խափանման միջոց կալանավորումը եւս երկու ամսով երկարացնելու վերաբերյալ առաջին ատյանի որոշման դեմ պաշտպանական խմբի կողմից ներկայացված բողոքի քննությունն է: Ռոբերտ Քոչարյանը մասնակցում է նիստին:
Մինչ նիստը սկսելը, լրագրողների հետ զրույցում Քոչարյանի պաշտպան Հայկ Ալումյանը հարցին՝ մինչ բողոքի քննությանն անցնելը միջնորդություն ներկայացնելո՞ւ եք, թե՞ ոչ՝ պատասխանեց. «Մենք ուզելու ենք ճշտել, թե ինչ կերպ է գործը հայտնվել տիկին Բարսեղյանի վարույթում»: Ալումյանը նկատի ուներ գործը քննող դատավոր Ռուզաննա Բարսեղյանին:
Ալումյանն ասաց, որ նաեւ միջնորդություն են ներկայացրել, որպեսզի դատախազների Վերաքննիչ բողոքը թողնվի առանց քննության. «Օրենքով նախատեսված չէ, որ դատախազները կարող են դատարանի որոշման պատճառաբանական մասը վիճարկել»:
Հռիփսիմե ՋԵԲԵՋՅԱՆ
Կարդացեք նաև
