Օրերս Եռաբլուր զինվորական պանթեոնում, ապրիլյան պատերազմի զոհերի հիշատակին միջոցառման ժամանակ տարածքում կայանված ավտոմեքենաներից գողություններ էին կատարել: Այսօր կառավարության նիստից հետո, լրագրողների հետ ճեպազրույցում այդ դեպքի առթիվ ոստիկանապետ Վալերիյ Օսիպյանն ասաց՝ զբաղվում են այդ գործով, ունեն կասկածյալներ ունենք:
Օսիպյանի խոսքերով՝ «Ես ինքս դատապարտում եմ նման արարքը, բայց ես ձեզ տեղեկացնեմ, որ մի փոքր էլ այնպես չէ, հանրության մեջ կարծիք է ձեւավորվել, որ այնտեղի իրավապահների ներկայությամբ է դա եղել: Դա այդքան էլ այդպես չէ: Այո, այնտեղ ի սկզբանե եղել են ոստիկանության ծառայողներ, այլ գերատեսչությունից, նույնպես ծառայողներ՝ անվտանգությունից ելնելով: Սակայն, երբ որ արարողակարգային միջոցառումն այնտեղ ավարտվել է, ոստիկանները նույնպես ծառայությունն ավարտել են, ոստիկանության բացակայության պարագայում է դա տեղի ունեցել: Եվ տեղի է ունեցել այն հատվածում, որտեղ դա տեսանելի չէր կարող լինել»:
Դիտարկմանը՝ հաշվի առնելով, որ նախկինում Եռաբլուրում նման միջոցառումների ժամանակ գողության դեպքեր չէին արձանագրվում, ինչպես այս երեւույթը կբացատրի, արդյոք դա սաբոտաժ էր, ոստիկանապետը պատասխանեց, որ այս պահին չի կարող ասել. «Դա ով որ արել է, սրբություն չունեցող անձնավորություն է»:
Կարդացեք նաև
Նելլի ԲԱԲԱՅԱՆ