Սպահանի պատմական Նոր Ջուղա թաղամասին մէջ գտնուող Բեթղեհէմ եկեղեցին, որ ունի աւելի քան 400 տարուան պատմութիւն, Իրանի հայ համայնքի նշանաւոր պատմական եւ կրօնական յուշարձաններէն է եւ այս քաղաքին մէջ մշակութային ու կրօնական համակեցութեան խորհրդանիշը։
Parstoday-ի հաղորդմամբ՝ պատմական այս կառոյցը կառուցուած է Սեֆեաններու ժամանակաշրջանին՝ հայ անուանի վաճառականներէն մէկուն նախաձեռնութեամբ։ Իրանական ճարտարապետութեան եւ հայկական կրօնական արուեստի համադրութեամբ անիկա կը ներկայացնէ հայ համայնքի մշակութային ժառանգութեան բացառիկ նմուշներէն մէկը։
Բարձրադիր գմբէթը, աստուածաշնչեան թեմաներով որմնանկարներն ու գեղարուեստական նրբաճաշակ զարդանախշերը Բեթղեհէմ եկեղեցին դարձուցած են Սպահանի մշակութային եւ կրօնական զբօսաշրջութեան կարեւորագոյն տեսարժան վայրերէն մէկը։
Եկեղեցւոյ անուանումը կը ծագի Բեթղեհէմ քաղաքէն, որ Յիսուս Քրիստոսի ծննդավայրն է։ Եկեղեցւոյ պատմութիւնը Իրանի մշակոյթի եւ քաղաքակրթութեան մէջ հայերու ներկայութեան ու նշանակալի ներդրման պատմութեան անբաժանելի մասն է։
Կարդացեք նաև
«ԱԼԻՔ»



















































