«ԱԱԾ-ի՝ որպես փակ կառույցի այս հարցում ներգրավվածություն չի կարող լինել, որովհետեւ կարող է խոսքի ազատությանը որոշակի վնաս հասցվել: Համապատասխան մարմինները պետք է աշխատեն, մենք գործակցում ենք Ոստիկանության եւ դատախազության հետ»,-լրագրողների հետ զրույցում այսօր անդրադառնալով վարչապետ Նիկոլ Փաշինյանի՝ սոցցանցերում կեղծ տեղեկատվության դեմ պայքար մղելու մասին ԱԱԾ-ին ուղղված հանձնարարականին, ասաց ՀՀ մարդու իրավունքների պաշտպան Արման Թաթոյանը:
Նա շեշտեց՝ համաձայն է վարչապետի այն դիտարկման հետ, որ խոսքի ազատության իրավունքը պետք է ամուր պաշտպանված լինի. «Միաժամանակ՝ մարդն ունի առցանց հարթակում անանուն մնալու իրավունք: Այլ է հարցը, թե անանուն մարդու գրառումը ինչ է պարունակում, օրինակ՝ սպառնալիք, բռնության կոչեր: Այս խնդիրը մեր ուշադրության ներքո է, որովհետեւ առավելապես կեղծ օգտատերերի կողմից են ատելության խոսք եւ բռնության կոչեր տարածքում»:
Արման Թաթոյանի խոսքով՝ ՄԻՊ գրասենյակը նման բովանդակության գրառումները միշտ ուղարկում է Ոստիկանություն, բայց դա էլ արդյունավետ չէ, քանի որ «Ֆեյսբուք» սոցցանցի հայտնաբերման մեխանիզմներն արդյունավետ չեն:
Կարդացեք նաև
Ուղիղ։ Արման Թաթոյանն այս մասին, թե արդյոք վարչապետն իրավունք ունի ցուցում տալ քրեական գործ հարուցել։ ՄԻՊ-ն անդրադառնում է նաեւ Կոնստանտին Օրբելյանի ազատման հարցին
Gepostet von Aravot am Donnerstag, 4. April 2019
Լուիզա ՍՈՒՔԻԱՍՅԱՆ