ՀԺԿ փոխնախագահ Գրիգոր Հարությունյանը՝ Կարեն Դեմիրճյանի ծննդյան օրը կայացած՝ «Միասնություն» դաշինքի քսանամյակին նվիրված միջոցառման ժամանակ հիշեց, թե ինչպես է ձեւավորվել «Միասնություն» դաշինքը: «Սկզբնական շրջանում այն միանշանակ չէր ընկալվում: Երկու մեծ անհատներ՝ գնահատելով երկրի եւ ժողովրդի իրավիճակը՝ եկան այն համոզման, որ երկրում միասնություն է պետք: Ու նախաձեռնեցին «Միասնություն» դաշինքի ստեղծումը՝ Հայաստանի Ժողովրբութդական կուսակցությունը՝ ի դեմս Կարեն Դեմիրճյանի եւ Հանրապետական կուսակցությունը՝ ի դեմս Վազգեն Սարգսյանի»:
Նրա ձեւակերպմամբ, «Միասնություն» դաշինքը միայն երկու քաղաքական ուժերը միավորելու խնդիր չէր դրել իր առաջ, «Միասնություն» դաշինքը խնդիր ուներ երկրում միասնություն ձեւավորելու, միասնական պայքարելու ՝ երկիրը առաջ տանելու համար: Եթե հիշում եք, երբ «Միասնություն» դաշինքը բացարձակ մեծամասնություն ուներ, կարող էր ձեւավորել ԱԺ-ում բոլոր կառույցները, հանձնաժողովները, սակայն չգնաց այդ ճանապարհով:
Բացի Հանրապետական եւ Հայաստանի ժողովրդական կուսակցության անդամներից՝ հանձնաժողովները վերաբաշխվեցին նաեւ մյուս քաղաքական ուժերի մեջ՝ նախագահներ, տեղակալներ: Այսինքն, հենց առաջին օրվանից երկրում դրվեց միասնության գաղափարը»:
Գրիգոր Հարությունյանն անդրադարձավ նաեւ հոկտեմբերի 27-ի ոճրագործությանը, ասաց, որ պետք է պահանջատեր լինել, քանի որ դրանից երկրի ապագան է կախված. «Մինչեւ չբացահայտվեն հոկտեմբերի 27-ի կազմակերպիչները, մեր երկիրը չի կարող ապագա ունենալ: Մենք պետք է առաջ գնանք, չեմ ուզում հետ գնալ: Իսկ առաջ գնալու համար պետք է այդ մութ անկյունները բացել:
Կարդացեք նաև
Այսօր ձեւավորվել է նոր իշխանություն, քանի դեռ նախկին իշխանությունները կային, հոկտեմբերի 27-ի մասին չէր կարելի խոսել, իսկ այսօր մենք պարտավոր ենք խոսել: Այսօր միասնություն դաշինքի գաղափարներն արդիական են, նոր իշխանությունները նույնպես պետք է ուսումնասիրեն «Միասնություն» դաշինքի գաղափարները, մոտեցումները եւ երկիրը տանեն միասնության ճանապարհով: Միասնության ճանապարհով միայն ունենք ապագա… Ժողովրդի կողմից ընտրված իշխանությունները պետք է գնան այդ ճանապարհով»:
Մանրամասները շուտով՝ տեսանյութում:
Գոհար ՀԱԿՈԲՅԱՆ
Բազմիցս խնդրել եմ’ ե՞թե դժվար չէ ցուցակը,որը ներկայացվել է Ռ. Քոչարյանին՛ ներկայացրեք նաև հանրությանը և այն կտա շատ պարզաբանումներ: