Շիրակի պետական համալսարանի (ՇՊՀ) հոգաբարձուների խորհրդի անդամ Գայանե Շագոյանը` նշելով Կրթության, գիտության մշակույթի եւ սպորտի նախարար Արայիկ Հարությունյանին եւ Շիրակի պետական համալսարանի հոգաբարձուների խորհրդի նախագահ Լեւոն Բարսեղյանին` ֆեյսբուքի իր էջում գրել էր, որ խնդրում է իրեն ազատել Շիրակի պետական համալսարանի հոգաբարձուների խորհրդի անդամ լինելու պաշտոնից, քանի որ բացարձակապես անընդունելի է համարում Նիկոլ Փաշինյանի և իր կառավարության մոտեցումը Ամուլսարի շահագործման խնդրին: Նաեւ նշել էր, որ կորցրել է վստահությունը, ուստի անհնարին է համարում ներկայացնել Փաշինյանի կառավարությունը Հոգաբարձուների խորհրդում կամ որևէ այլ տեղ:
Տիկին Շագոյանից հետաքրքրվեցինք, գրառումից հետո իրեն արձագանքե՞լ են ԿԳՄՍ նախարարությունից: «Դեռ չեն պատասխանել, կարծում եմ, քանի որ ըստ կարգի՝ այսինքն` գրավոր և ստորագրությամբ, դեռ չեմ ուղարկել դիմումս: Խորհրդից դուրս եմ գալու և ինչպես միշտ պայքարս շարունակելու եմ ինձ հասանելի բոլոր միջոցներով»:
Կրթության, մշակույթի, գիտության եւ սպորտի նախարարությունից էլ փորձեցինք մեկնաբանություն ստանալ: Նախարարի մամուլի խոսնակ Անժելա Կժդրյանն Aravot.am-ին փոխանցեց հետեւյալը. «Դա Գայանե Շագոյանի որոշումն է, որը նախարարը հարգում է»:
Գոհար ՀԱԿՈԲՅԱՆ
Պայքարեկ, բայց թասի ջուրը թափելիս, երեխային էլ հետը դեն չնետեք։