«Ադրբեջանի ժողովրդական ճակատ» ընդդիմադիր կուսակցության ակտիվիստ Ռուսլան Ամիրլին առևանգվել է սեպտեմբերի 10-ին, իսկ հաջորդ օրը 30-օրյա վարչական կալանքի դատապարտվել մանր խուլիգանության մեղադրանքով։ Դրանից առաջ նրան սպառնացել են և խոստացել «գամել» կուսակցության առաջնորդին։
Ռուսլան Ամիրլին «կամավորների» խմբից է, որոնք պահպանում են կուսակցության առաջնորդ Ալի Քերիմլիի անվտանգությունը։
«Մի քանի օր առաջ ոմն Ֆուադ Մուրադով զանգահարել է Ռուսլանին և ասել, որ նրան գամելու է ինձ 150մմ մեխերով», – պատմել է Քերիմլին ֆեյսբուքյան իր էջում։
Սեպտեմբերի 10-ի ցերեկը կուսակիցները հաղորդել են, որ 7-8 մարդ առևանգել է Ռուսլան Ամիրլիին փողոցից և տարել անհայտ ուղղությամբ։
Կարդացեք նաև
Սեպտեմբերի 11-ի կեսօրին պարզվել է, որ Ամիրլին գիշերն անցկացրել է ոստիկանական բաժանմունքում, իսկ առավոտյան նրան դատարան են տարել։
Ժողովրդական ճակատի ակտիվիստներն ու լրագրողները հավաքվել են դատարանի շենքի մոտ, սակայն ոստիկանությունը նրանց ներս չի թողել, և ծեծկռտուք է առաջացել։
Արդյունքում՝ դատարանը Ռուսլան Ամիրլիին դատապարտել է 30-օրյա վարչական կալանքի մանր խուլիգանության և ոստիկանությանը չենթարկվելու համար։
Հոդվածն ամբողջությամբ՝ սկզբնաղբյուր կայքում
Ալի Քերիմլիի ֆեյսբուքյան էջից լուսանկարում՝ Ռուսլան Ամիրլին ձախից եւ Ալի Քերիմլին՝ աջից:
