«Վարչապետը եւ ներկայիս կառավարությունը բնավ ազգային պետություն կառուցելու նպատակ եւ մտադրություն չունի: Որովհետեւ այն բոլոր օրինագծերը եւ նպատակները, որ մենք տեսնում ենք այսօր, մեզ հեռացնում են Ազգային Պետությունից, անձնակենտրոն են դարձնում, գուցե, արեւմուտքի համար առաջադիմական են դարձնում, բայց մեզ հեռացնում են մեր ինքնությունից», – ասաց «Ադեկվատ» կուսակցության նախաձեռնող խմբի անդամ Լիկա Թումանյանը եւ նշեց նաեւ. «Եթե մենք խոսում ենք անձնավորված մոտեցումների մասին, երբ որ վարչապետն ասում է՝ հայոց լեզուն, գրականությունը ումի՞ց եք պաշտպանում՝ ինձնի՞ց, նա խնդիրն իջեցնում է անձնայինի: Այստեղ խոսքը ոչ թե կառավարող օղակ եւ հասարակություն, այլ՝ անձերի միջեւ հարաբերությունների մասին է: Երբ իջեցնում ենք անձնայինի, երբ առհասարակ լսում ենք պիտակավորումներ՝ առաջադեմ, հետադիմական, սեւեր, սպիտակներ եւ այլն, սա ատելության խոսքի դրսեւորումներից մեկն է, ատելության խոսքի քարոզչություն: Ես մի անգամ արդեն ասել եմ՝ իմ համար դա նույնպես զարմանալի չէ: Ներկայիս իշխող կուսակցությունն իմ համար ուղղակի ատելության կուսակցություն է, սերմանում եւ տարածում է հասարակության տարբեր շերտերի միջեւ ատելություն՝ իրար նկատմամբ, եւ ոչ թե իշխանության, որպեսզի տրոհի եւ կարողանա այդ քաոսը կառավարելի դարձնել:
Ես ուսանող աղջիկներից եւ տղաներից փողոցներում նման հմտություններ չէի սպասում: Ավելին ասեմ, ինձ ուրախացնում է, որ մենք այսօր ի դեմս ոչ միայն քաղաքական գործիչների, այլ նաեւ շարքային ուսանողների, ունենք մի հատված, որը դեմ է դուրս եկել այդ երեւույթներին եւ պայքարը վարում է թե փողոցային ճանապարհով, թե քաղաքական ճանապարհով, թե հասարակական ճանապարհով: Ուսանողությունը հասարակության շատ լայն հատվածն է եւ Աստված մի արասցե՝ ջղայնացնել այդ զանգվածին»:
Աշոտ ՀԱԿՈԲՅԱՆ
Գուցե գրեիք ով է ԼԻԿԱ ԹՈՒՄԱՆՅԱՆԸ?????????????? Թե պետք է նախորդ նյութերը կարդանք, ու հասկանանք????
Ես այս աղջկան հիշում եմ Կենտրոն հեռուստաընկերությունից, լուրեր էր վարում ու անունը Լիլիթ էր:
Դիտողությունը ճիշտ է: Հիմա կավելացնենք: