Վենետիկի հանձնաժողովը, ԵԱՀԿ Ժողովրդավարական ինստիտուտների և մարդու իրավունքների գրասենյակի (ԺՀՄԻԳ) հետ կարծիք է հայտնել Հայաստանի Հանրապետությունում կուսակցությունների մասին օրենքում փոփոխությունների նախագծի վերաբերյալ:
Նշվում է, որ 2020թ. փետրվարի 18-ին ՀՀ Ազգային ժողովի նախագահը դիմել էր Վենետիկի հանձնաժողով և ԵԱՀԿ ԺՀՄԻԳ՝ նախագծի վերաբերյալ իրավական կարծիք ստանալու համար:
Վենետիկի հանձնաժողովը և ԵԱՀԿ/ԺՀՄԻԳ-ը ողջունում են փոփոխությունների նախագծում տեղ գտած առաջարկների զգալի մասը, որոնք պատշաճ կերպով իրագործվելու դեպքում կարող են նպաստել քաղաքական բազմակարծության: Միևնույն ժամանակ եզրակացության մեջ նշվում է, որ փոփոխությունների նախագիծը կշահեր որոշ վերանայումներից, որպեսզի ապահովվի կուսակցությունների գրանցման ոչ այնքան ծանր գործընթաց, ինչպես նաև վերացվեն քաղաքական կուսակցությունների ֆինանսավորման մեջ առկա բացերը:
Վենետիկի հանձնաժողովը և ԵԱՀԿ/ԺՀՄԻԳ-ը մի քանի առաջարկություններ են ներկայացրել, մասնավորապես վերացնել կուսակցությունների գրանցման համար ծանր պահանջները, զերծ մնալ կուսակցության կառավարման մարմինների և որոշումների կայացման գործընթացի մանրակրկիտ կարգավորումից:
Կարդացեք նաև
Բացի այդ նրանք առաջարկում են նաև ապահովել, որպեսզի բոլոր նվիրատվությունները, այդ թվում՝ ծառայությունների դիմաց կամավորների աշխատանքը, որոնք սովորաբար վճարվում են, նվիրատվություն համարվի, ինչպես նաև վերցվի դոնորի աշխատատեղի վերաբերյալ տեղեկատվություն տրամադրելու պահանջը: Բացի այդ կոչ է արվում վերահսկողության հստակ մեխանիզմ մշակել կոռուպցիայի կանխարգելման համար՝ մանդատների սահմանազատմամբ, մանրամասն ընթացակարգով, ինչպես նաև Կոռուպցիայի կանխարգելման հանձնաժողովին հատկացնել բավականաչափ բյուջե և բավարար աշխատակազմ:
Վենետիկի հանձնաժողովը և ԵԱՀԿ/ԺՀՄԻԳ-ը նաև խորհուրդ են տալիս ԵԱՀԿ/ԺՀՄԻԳ-ը խորհուրդ են տալիս օրենքում այնպես փոփոխություններ կատարել, որպեսզի «օրենքի կոպիտ խախտում» տերմինը արտացոլի խախտման լրջությունը:
Պատրաստեց՝ Վիկտորյա ԱՆԴՐԵԱՍՅԱՆԸ
