ՀՀԿ փոխնախագահ Արմեն Աշոտյանը ֆեյսբուքյան իր էջում գրում է.
Արտաքին վտանգի գիտակցումը հանրային համերաշխության փխրուն մթնոլորտ է ստեղծել։
Քաղաքական դաշտի հիմնական դերակատարներն իրենց մասնակցությունն են բերում ազգային շահերի պաշտպանությանը՝ Հայաստանում, Սփյուռքում եւ արտերկրում։
Կորոնավիրուսային համավարակի առողջապահական եւ սոցիալ-տնտեսական ծանրագույն ազդեցությունն անգամ երկրորդ պլան մղվեց։
Կարդացեք նաև
Իսկ ի՞նչ անում իշխանությունը։
- Շարունակում է ամբողջ թափով ՍԴ-ի բռնազավթման գործընթացը։
- Քաղաքական մրցակիցների նկատմամբ քրեական նոր գործեր է հարուցում, հներին էլ՝ նոր թափ հաղորդում։
- Տեղեկատվական դաշտում նոր ներքին պառակտություններ է հրահրում։
- Քաղաքացիներին շղթայում է, տուգանում ու ցրում։
- Հայ ազգային դպրոցին նոր հարվածներ է հասցնում, հրեշավոր կերպով շարունակելով կրթության ապազգայնացման գործընթացը։
Տղերք, մեր հայրենասիրությունը թուլության հետ չշփոթեք։ Մենք եռագույնի տակ ենք համախմբվել։ Այս տեմպերով դուք այդ դրոշի տակ տեղ չեք ունենա։
