Բելառուսի պետական լրատվամիջոցները հրապարակել են Ալեքսեյ Նավալնիի շուրջ իրավիճակի մասին Բեռլինի և Վարշավայի միջև բանակցությունների ձայնագրությունը, որը որսացել էր բելառուսական ռադիոհետախուզությունը, փոխանցում է «ՌԻԱ Նովոստի»-ն:
Ձայնագրության մեջ Գերմանիայի ներկայացուցիչը նշում է, որ այս պարագայում «թունավորում» պնդումն օգտագործել պետք չէ, քանի որ պատերազմում բոլոր միջոցներն էլ ընդունելի են: Նրա լեհ զրուցակիցն իր հերթին հավելում է, որ պետք է փորձել Պուտինին շեղել Բելառուսի գործերին խառնվելուց: Վարշավայից կոչ են անում ՌԴ նախագահին խեղդել խնդիրների մեջ:
Ավելի վաղ Գերմանիայի կառավարությունը հայտնել էր, որ Ալեքսեյ Նավալնուն թունավորել են «Նովիչոկ» խմբին պատկանող նյարդապարալիտիկ նյութով: Դրան էլ հաջորդել էր Եվրամիության հայտարարությունը, որում ասվում էր, թե ԵՄ-ն իրեն իրավունք է վերապահում նման իրավիճակում պատժամիջոցներ կիրառել:
Կարդացեք նաև
Պատրաստեց Վիկտորյա ԱՆԴՐԵԱՍՅԱՆԸ
