Գեղարքունիքի մարզպետ Գնել Սանոսյանը ֆեյսբուքյան իր էջում հայտնում է․
Այսօր աշխատանքային այցով Գեղարքունիքի մարզ ժամանեց ՀՀ ԿԳՄՍ նախարար Արայիկ Հարությունյանը:
Նախարարի հետ միասին այցելեցինք դպրոցներ։
Այցի առաջին կանգառը Վերին Գետաշեն համայնքի թիվ 1 միջնակարգ դպրոցում էր, որտեղ սկսվող նոր ուսումնական տարին նշանավորվեց նախակրթարանի բացմամբ:
Վերին Գետաշենի թիվ 1 միջնակարգ դպրոցի նախակրթարանի հիմնման ընդհանուր բյուջեն կազմել է 11 միլիոն 949 հազար դրամ, որից 4 միլիոն 820 հազար դրամը կազմել է Վերին Գետաշենի համայնքապետարանի համաֆինանսավորումը: Մնացած գումարը ներդրվել է ՀՀ ԿԳՄՍ նախարարության ԾԻԳ-ի կողմից: Շինարարական աշխատանքները մեկնարկել են 2020 թվականի հունիսից եւ ավարտվել օգոստոս ամսվա ընթացքում:
Նախակրթարան են հաճախում նախադպրոցական տարիքի 25 երեխա:
Կարդացեք նաև
Խոստացա աջակցել գույքի ձեռքբերման եւ ջեռուցման խնդիրների կարգավորման հարցերում, ինչի արդյունքում նախակրթարան հաճախող երեխաների թիվը կարող է հասնել մինչև 50 երեխայի։
Մարզում այս տարի ևս 12 մանկապարտեզ է կառուցվում ու հիմնանորոգվում, և բնական աճի հետ զուգընթաց մենք փորձում ենք մեր համայնքներում արագ կարգավորել մանկապարտեզների և նախակրթարանների վիճակը, որպեսզի մեր մարզում ոչ մի երեխա դուրս չմնա նախադպրոցական կրթությունից։
Այսօր աշխատանքային այցով Գեղարքունիքի մարզ ժամանեց ՀՀ ԿԳՄՍ նախարար Արայիկ Հարությունյանը: Նախարարի հետ միասին…
Gepostet von Գնել Սանոսյան/Gnel Sanosyan am Samstag, 19. September 2020
Այնուհետև Գեղարքունիքի մարզպետը տեղեկացրել է․
Այցի հաջորդ կանգառը Գավառի թիվ 5 հիմնական դպրոցում էր, որտեղ ևս մասնակցեցինք նախակրթարանի բացման արարողությանը:
Խիտ բնակեցված բազմաբնակարան բնակելի շենքերի եւ հարակից տարածքների նախադպրոցական տարիքի երեխաները մանկապարտեզ չլինելու պատճառով զրկված էին նախադպրոցական կրթություն ստանալու հնարավորությունից: Իսկ այժմ արդեն, նրանք, շնորհիվ այս կառույցի, ունեն այդ հնարավորությունը:
Դպրոցի առաջին հարկում հիմնված նախակրթարանն ունի առանձին մուտք, կահավորված 2 դասասենյակ, հանդերձարան և սանհանգույց: Այստեղ երկու հերթով նախադպրոցական կրթություն կստանա 30 սան:
Նախակրթարանի հիմնումն իրականացվել է «Նախադպրոցական կրթություն» միկրոծրագրի շրջանակներում:
Ծրագրի ընդհանուր արժեքը կազմում է 9 մլն 314 հազար ՀՀ դրամ: Դրամաշնորհային ծրագրում «Կրթական ծրագրերի կենտրոն» ծրագրերի իրականացման գրասենյակի ներդրումը կազմում է 6 մլն 634 հազար ՀՀ դրամ, իսկ Գավառի համայնքապետարանը ներդրել է 2մլն 680 հազար ՀՀ դրամ:
Գեղարքունիքի մարզում այս տարի հիմնած նախակրթարանները դպրոցների տարածքներում են, որտեղ վերանորոգման աշխատանքներն ընթանում են համաֆինանսավորման արդյունքում:
Գեղարքունիքի մարզում նկատելի աճ է արձանագրվում ծնելիության առումով, և դրան զուգընթաց մենք պետք է արագ տեմպերով լուծում տանք նաև նախադպրոցական կրթության համակարգի ընդլայնմանը։
Այցի հաջորդ կանգառը Գավառի թիվ 5 հիմնական դպրոցում էր, որտեղ ևս մասնակցեցինք նախակրթարանի բացման արարողությանը: …
Gepostet von Գնել Սանոսյան/Gnel Sanosyan am Samstag, 19. September 2020
