Բունդեսթագի պատգամավոր Շտեֆան Քոյթերն այսօր Ստեփանակերտում հրավիրված ճեպազրույցում ասաց. «Շատ կարեւոր է արձանագրել, որ սա տեղային հակամարտություն չէ, սա մեծ պատերազմ է: Մենք այստեղ ենք, որպեսզի եվրոպական ժողովուրդներին արթնացնենք եւ ցույց տանք, թե իրականում ինչ է կատարվում Արցախում: Մենք նաեւ փորձում ենք լուծումներ գտնել Արցախի համար: Շատերը դեռ պետք է գիտակցեն, թե որն է Հայաստանի, Արցախի եւ Ադրբեջանի միջեւ խնդրի էությունը: Մենք անձամբ ենք, տեսել, որ արգելված կասետային հրթիռներով հրետակոծվել են քաղաքացիական խաղաղ բնակչության շենքերը:
Մենք մտավախություն ունենք, որ այստեղ կարող է նոր ցեղասպանություն տեղի ունենալ եւ ցանկանում ենք Հայաստանի եւ Արցախի սահմաններից դուրս ցույց տալ, որ ԱԹՍ-ներով փորձում են ոչնչացնել տեղի ազգաբնակչությանը: Ուզում ենք, որպեսզի ամբողջ աշխարհում հասկանան, թե ինչ է կատարվում այստեղ եւ սկսեն դրա դեմ կոնկրետ քայլեր անել:
Մենք դատապարտում ենք բոլոր ագրեսիվ քայլերը եւ ցանկանում, որ հենց հիմա ավարտվի պատերազմը: Մենք ուզում ենք, որ պատերազմ սանձազերծող կողմերը պատժամիջոցների ենթարկվեն: Եվ պատասխանատու ենք, որպեսզի այդ պատժամիջոցները տարածվեն Ադրբեջանի եւ Թուրքիայի վրա»:
Կարդացեք նաև
Աշոտ ՀԱԿՈԲՅԱՆ
