Այսօր Երեւանի ավագանին հրավիրած նիստում, ի թիվս այլ հարցերի, քննարկեց նաեւ Գայանե Մելքոմ Մելքոմյանին Երեւանի փոխքաղաքապետ նշանակելու հարցը:
City Council session took place at the Municipality of Yerevan
Երեւանի քաղաքապետ Հայկ Մարությանը ներկայացրեց որոշումը: Գայանե Մելքոմ Մելքոմյանը ներկայացրեց կենսագրությունը եւ պատասխանեց ավագանու անդամների հարցերին:
City Council session took place at the Municipality of Yerevan
«Լույս» խմբակցության անդամ Անի Խաչատրյանն ասաց. «Ես «ամենաուժաս» ֆիլմում չէի կարող պատկերացնել, որ դուք կարող եք լինել Երեւանի մշակույթի գծով փոխքաղաքապետը: Ես սա համարում եմ աղետալի Երեւանի համար»: Ապա տիկին Խաչատրյանը հարց ուղղեց. «Ինչ ճանապարհով եք պատկերացնում ղեկավարել ձեր ղեկավարության տակ գտնվող որեւէ ոլորտ, օրինակ` մշակույթի ոլորտը»:
Գայանե Մելքոմ Մելքոմյանն ասաց. «Իրականում այդ պաշտոնը համակարգող եւ վերահսկող դեր ունի, դա է պաշտոնի առաքելությունն ու դերը: Կան համակարգի ստորաբաժանումները, որոնք արդեն ունեն անհրաժեշտ մասնագիտական կարողություններ: Հարկավոր է նրանց հետ աշխատելով ճիշտ թիրախներ սահմանել, լուծման ճանապարհային քարտեզ ունենալ եւ լուծել առկա խնդիրները»:
Կարդացեք նաև
Տեղի ունեցած քվեարկությամբ Գայանե Մելքոմ Մելքոմյանը 34 կողմ, 1 դեմ եւ 1 ձեռնպահ ձայների հարաբերակցությամբ ընտրվեց քաղաքապետի տեղակալ:
Լուսինե ԲՈՒԴԱՂՅԱՆ
