Շրջակա միջավայրի նախարար Ռոմանոս Պետրոսյանը հունվարի 26-ին հրավիրած մամուլի ասուլիսի ժամանակ նշել էր, որ Սևանա լիճը սնուցող Որոտան և Արփա գետերի ակունքները մնացել են Ադրբեջանի վերահսկողության տակ։
168.am-ի հետ զրույցում «Հանուն կայուն մարդկային զարգացման» ասոցիացիայի նախագահ, բնապահպան Կարինե Դանիելյանն անդրադառնալով թշնամու հսկողության տակ գտնվող Որոտան և Արփա գետերի ակունքներին և այդ համատեքստում Սևանա լճին սպասող վտանգներին՝ նշեց, որ առաջին խնդիրը, որի առջև կարող է կանգնել հայկական կողմը՝ Սևանի ջրային պաշարներն են։
«Կարող է հազար ու մի հարց առաջանալ, դրա համար իսկապես այն բոլոր խնդիրները, որոնք, այսպես կոչված, պատերազմի արդյունքում առաջացան, խիստ վտանգավոր են Հայաստանի համար և կարծես դեռ առանձին մարդկանց կողմից են միայն գնահատվում և գիտակցվում, ցավոք»,- ասաց Կարինե Դանիելյանը։
Ըստ նրա, ադրբեջանական կողմը կարող է և հնարավոր է իրականացնի այնպիսի քայլեր, որ Հայաստանը կանգնի բնապահպանական աղետի առջև։
Կարդացեք նաև
«Ադրբեջանի մշտական երազանքն է եղել բնապահպանական աղետի հասցնել Հայաստանին, բայց նրանց չի հաջողվել։ Վստահ եմ, որ այժմ նրանք դրա փորձը կանեն, դրա հավանականությունը շատ բարձր է»,- շեշտեց բնապահպանը։
«Սա պետական կառույցների ու նրանց միջև եղած հարաբերությունների գործն է, նրանց լուծելու խնդիրն է։ Ադրբեջանը միշտ ձգտել է Սևանի հետ կապված խնդիրների մեջ որևէ բացասական մասնակցություն ունենալ։ Իհարկե, Ադրբեջանը փորձ կանի այնպես անել, որ ինչ-ինչ ճանապարհներով ազդի Սևանա լճի պաշարների վրա»,- եզրափակեց Կարինե Դանիելյանը։
Զվարթ ԽԱՉԱՏՐՅԱՆ
Հոդվածն ամբողջությամբ՝ «168 ժամ» թերթի այս համարում
Մնում է հուշեք ինչպես կարող են դա անել,թե չէ իրենց թողնենք՝չեն ,,ֆայմելու,,….
Նախ պետք է նշել, որ ջրերի մեծ մասը ձևավորվում է մեր տարածքում։ 2-րդ եթե հանդգնեն նման բան անել, պատասխան կարող ենք տալ Տավուշի մարզի գետերով, որոնք ամբողջությամբ հոսում են դեպի ադրբեջան, ու որոնց ջրերով ոռոգվում է հսկայական գյուղատնտեսական տարածքներ։