Սյունիքի մարզպետ Մելիքսեթ Պողոսյանը փետրվարի 7-ին այցելել է Տեղ համայնքի Խոզնավար գյուղ՝ բնակիչների հետ հանդիպելու եւ նրանց խնդիրներին տեղում ծանոթանալու համար։
Հավաքվածները մի շարք հարցեր են բարձրացրել մարզի ղեկավարի հետ զրույցի ընթացքում՝ սահմաններ, ճանապարհների բարեկարգում, անասնաբուժական ծառայություն, սեփականության վկայականների ստացում, խմելու ջրի ակունքների, արոտավայրերի ու խոտհարքների անվտանգություն, անասունների մթերման հարց, սոցիալական ու այլ խնդիրներ:
Մելիքսեթ Պողոսյանն այցելել է նաեւ Սուրեն Ալավերդյանի՝ վերջերս հրդեհված տուն ու համայնքապետի հետ քննարկել տուժած ընտանիքին կացարանով ապահովելու խնդիրը:
Մարզպետը խոստացել է ուսումնասիրել բարձրացված հարցերն ու փորձել լուծումներ գտնել դրանց համար:
Կարդացեք նաև
