Այսօր առավոտյան ֆեյսբուքում լուսանկարներ եւ տեղեկություններ տարածվեցին, թե անհայտ անձը կամ անձինք պղծել են Լոռու մարզի Ստեփանավան քաղաքում գտնվող Սուրբ Նշան մատուռը. մատուռից դուրս էին հանել սրբապատկերները։
Ստեփանավանի քաղաքապետարան ուղարկած Aravot.am-ի հարցմանն ի պատասխան՝ մեզ տեղեկացրին, որ կատարվածի մասին ահազանգել են այցելուները:
Գործողությունների հեղինակը ներկայանում է հուշարձանների պահպանության կառույցի անդամ. անունը դեռեւս չեն կարող հրապարակել:
Համայնքապետարանը տվյալ խնդրով պատրաստվում է դիմել համապատասխան կառույցներին. «Միանշանակ ընթացքի մեջ են գործընթացներ: Երբ երեւույթին որեւէ պաշտոնական այլ արձագանք լինի, բացի մեր հայտարարությունից, կհրապարակենք: Մեր առաջին քայլը եղել է դատապարտող հայտարարությունը, բայց բնական է, որ իրավիճակը այդպես թողնել չի կարելի»,- ասվում է Ստեփանավանի քաղաքապետարանի պատասխանում:
Կարդացեք նաև
Սուրբ նշանը 12-13-րդ դարերին թվագրվող մատուռ է:
Լուսանկարները՝ «Քաղաք Ստեփանավան» ֆեյսբուքյան էջի
Տաթեւիկ ՂԱԶԱՐՅԱՆ
