ՀԱՅՏԱՐԱՐՈՒԹՅՈՒՆ ԲՌՆԱՊԵՏԱԿԱՆ ԳՈՐԾԸՆԹԱՑԻ ՄԱՍԻՆ
ՀԱՄԱՀԱՅԿԱԿԱՆ ԱԶԳԱՅԻՆ ՀԱՄԱՁԱՅՆՈՒԹՅՈՒՆ (ՀԱՀ) շարժումը հայտարարում է՝ Հայաստանի Հանրապետության ինքն իրեն ԺՈՂՈՎՐԴԱՎԱՐ հորջորջող կառավարությունն իր վերարտադրությունն ապահովելու նպատակով, քանդելով երկրի կառավարման մի շարք համակարգեր, այժմ էլ ձեռնամուխ է եղել տեղական ինքնակառավարման համակարգի կազմաքանդմանը: Այն, որ այս գործընթացն արվում է վտանգավոր միտումով, ապացուցվում է նախորդ կառավարության ջանքերով սկիզբ առած ու Փաշինյանի կառավարության կողմից շտապողությամբ շարունակվող ՀԱՄԱՅՆՔՆԵՐԻ ԽՈՇՈՐԱՑՈՒՄ անվան տակ բազմաբնակավայր համայնքների ստեղծման հակաիրավական գործընթացը, որը նաև ուղեկցվում է ավագանիների 100% համամասնական ընտրակարգի ձևավորմամբ։ Իսկ այսօր, երկրում, անիմաստ հայտարարված ռազմական դրության պայմաններում, կառավարությունը համայնքների ընտրված կառավարման մարմինների գործունեության լրացած ժամկետները երկարաձգելու փոխարեն, ՀՀ սահմանադրության խախտմամբ իրականացնում է համայնքների ղեկավարների ՆՇԱՆԱԿՄԱՆ գործընթաց: Սա տեղական ինքնակառավարման մարմինների նկատմամբ կուսակցապետական բռնա-տիրության դրսևորում է՝ հարված ժողովրդավարությանը։
Հայաստանի Հանրապետությունը Սահմանադրությամբ հռչակվել է իբր ժողովրդավարական պետություն (ՀՀ Սահմանադրություն, 1-ին հոդված)։ Ըստ ՀՀ ՍԱՀՄԱՆԱԴՐՈՒԹՅԱՆ, ժողովուրդն իր իշխանությունը իրականացնում է ազատ ընտրությունների միջոցով (ՀՀ Սահմանադրություն, 2-րդ հոդված), և պետական կառավարման ու տեղական ինքնակառավարման մարմինները պետք է լինեն հստակ տարանջատված, ինքնուրույն և միմյանցից անկախ։ Ըստ օրենսդրության, տեղական ինքնակառավարման մարմինները ենթակա չեն ՀՀ նախագահին, ՀՀ վարչապետին ու ՀՀ կառավարությանը և առավել ևս մարզպետներին․ նրանք պետք է գործեն սեփական պատասխանատվությամբ և ՀՀ Սահմանադրությանն ու օրենքներին համապատասխան (ՀՀ Սահմանադրություն, 179-րդ հոդված)։ Որևէ օրենքով և, առավել ևս օրենսդրությամբ, չի կարող խախտվել տեղական ինքնակառավարման և պետական կառավարման մարմինների տարանջատվածությունը, ընտրովիությունը, ինքնուրույնությունը և սեփական պատասխանատվությամբ գործելու իրավունքը։
Հարկ է նկատել, որ «Իմ քայլը» խմբակցությունը վերջերս հասկացել է, որ գործող «Տեղական ինքնակառավարման մասին» ՀՀ օրենքի 27-րդ հոդվածի 2․1 մասը հակասում է ՀՀ Սահմանադրությանը, և օրենսդրական նախաձեռնության կարգով ներկայացրել է նախագիծ («ՀՀ ընտրական օրենսգիրք Սահմանադրական օրենքում փոփոխություններ և լրացումներ կատարելու մասին», Խ-894), որտեղ արձանագրված է (98-րդ հոդված), որ ռազմական կամ արտակարգ դրության ժամանակ ժողովրդի կողմից ընտրված համայնքների ղեկավարների և ավագանու անդամների լիազորությունների ժամկետը պետք է երկարացվի։ Սակայն ՀՀ գործող կառավարությունն այսօր, գիտակցաբար՝ վտանգավոր միտումով, ապօրինի կերպով վարչական նշանակումներ է կատարում համայնքներում, որը ժողովրդի իշխանության յուրացում և ծանր հանցագործություն է (ՀՀ Սահմանադրություն, հոդված 2-րդ)։
Կարդացեք նաև
ՀԱՄԱՀԱՅԿԱԿԱՆ ԱԶԳԱՅԻՆ ՀԱՄԱՁԱՅՆՈՒԹՅՈՒՆ (ՀԱՀ) շարժումը, նպատակ ունենալով երկրում ստեղծել սահմանադրական կարգ, ամուր ազգային պետություն, ՀՀ կառավարության նման գործելակերպը գնահատում է որպես ևս մեկ բռնապետական քայլ՝ հնարավոր ՀՀ ԱԺ ընտրություններից առաջ ինքնավերարտադրման համար նախապատրաստական գործընթաց, և ընտրված համայնքների ղեկավարներին հորդորում է կառավարության ապօրինի որոշումները բողոքարկել ՀՀ օրենսդրությամբ սահմանված կարգով:
ՀՀ կառավարության կողմից Սահմանադրությամբ նախատեսված լուծումների անտեսումը, անկախ դրա շարժառիթներից, կհանգեցնի լիարժեք բռնապետության և իշխանության այլասերման, ինչն աններելի հանցագործություն է:
ՀԱՀ քաղաքական կուսակցությունների խորհուրդ
«ՆԺԴԵՀՅԱՆ ՑԵՂԱԿՐՈՆ ԿՈՒՍԱԿՑՈՒԹՅՈՒՆ», նախագահ՝ Գևորգ Հովսեփյան
«ՀԱՅՔ-ՀԱՅԿԱԶՈՒՆԻՆԵՐ ԿՈՒՍԱԿՑՈՒԹՅՈՒՆ», նախագահ՝ Արտյոմ Խաչիկյան
«ՔՐԻՍՏՈՆԵԱ ԺՈՂՈՎՐԴԱԿԱՆ ՎԵՐԱԾՆՈՒՆԴ ԿՈՒՍԱԿՑՈՒԹՅՈՒՆ», նախագահ՝ Սոս Գիմիշյան
ՀԱՀ հասարակական կազմակերպությունների խորհուրդ
ՎԱՀԱԳՆ ՌԱԶՄԱՀԱՅՐԵՆԱՍԻՐԱԿԱՆ – ՀԿ, համակարգող՝ Տարոն Վասիլյան
ՔԱՂԱՔԱՑԻԱԿԱՆ ՄԻԱՎՈՐՈՒՄ – ՀԿ, նախագահ՝ Աղասի Մանուկյան
ԹԵԳՄ – ՀԿ, նախագահ՝ Շմավոն Վեզիրյան
ՄԱՇՏՈՑ ՄԻԱՎՈՐՈՒՄ – ՀԿ, նախագահ՝ Նուրիսա Բեժանյան
ԶԱՐԹՈՆՔ – ՀԿ, նախագահ՝ Լևոն Թումանյան
ԼԵՌՆԱՀԱՅԱՍՏԱՆ – ՀԿ, նախագահ՝ Սարգիս Մելիք-Շահնազարյան
ՀԱՄԱՏԻՐՈՒԹՅՈՒՆՆԵՐԻ ԶԱՐԳԱՑՄԱՆ ԱՍՈՑԻԱՑԻԱ – ՀԿ, նախագահ՝
Արամ Գրիգորյան
«ԱՐԳԻՇՏԻ հայրենյաց պաշտպանների միավորում» – ՀԿ, նախագահ՝
Արգիշտի Շամիրյան,
«ՀԱԿԱԴՈՊԻՆԳԱՅԻՆ ԱԶԳԱՅԻՆ ՈՒԺԱՅԻՆ ՄԱՐԶԱՁԵՎԵՐԻ ԱՍՈՑԻԱՑԻԱ» – ՀԿ, նախագահ՝ Հայկ Արզոյան
ՀԱՀ հասարակական նախաձեռնությունների խորհուրդ
ԺՈՂՈՎՐԴԻ ՁԱՅՆ – նախաձեռնություն, նախագահ՝ Աշոտ Կոշկակարյան
ՆԺԴԵՀՅԱՆ ԱԶԱՏԱՄԱՐՏԻԿՆԵՐ – նախաձեռնություն, նախագահ՝
Հովիկ Ալեքսանյան
ՈՐԴԱՆ ԿԱՐՄԻՐ – նախաձեռնություն, նախագահ՝ Դմիտրի Հարությունյան
ԲԱՍԵՆ ՀԱՅՐԵՆԱԿՑԱԿԱՆ – նախաձեռնություն, նախագահ՝ Աշոտ Հակոբյան
ՀԱՅ ԱԶԱՏԱՄԱՐՏԻ ՌԱԶՄԱԿԱՆ ԽՈՐՀՈՒՐԴ – նախաձեռնություն, համակարգող՝ Պավել Մանուկյան
ՀԱՀ մտավորականների խորհուրդ
Արթուր Արմին Բաբայան (մշակութաբան)
Աշոտ Գևորգյան (ֆիզիկամաթեմատիկական գիտությունների դոկտոր, պրոֆեսոր)
Արմեն Դավթյան (մշակութաբան)
Թաթուլ Մանասերյան (Տնտեսագիտական գիտությունների դոկտոր, պրոֆեսոր)
Հակոբ Հարությունյան (Տեխնիկական գիտությունների դոկտոր)
Արամ Գաբրիելյան (ֆիզիկամաթեմատիկական գիտությունների թեկնածու)
Հրաչիկ Հակոբջանյան (բանասիրական գիտությունների թեկնածու, դոցենտ)
Դավիթ Ստեփանյան (ճարտարապետ)
Հրայր Աղինյան (տնտեսագետ)
Արմեն Արաբյան (երաժշտագետ)
