«Եթե քաղաքական պայմանավորվածությունները չպահպանվեն, դա շատ լուրջ ռեզոնանս կառաջացնի հասարակության մեջ եւ ժողովուրդը դուրս կգա՝ պահանջելու, որ պայմանավորվածությունները լինեն»,- այսօր լրագրողների հետ ճեպազրույցում ասաց ԲՀԿ պատգամավոր Միքայել Մելքումյանը:
Հարցին՝ Փաշինյանը Ծառուկյանի հետ հանդիպմանը երաշխիք չի՞ տվել, որ անպայման հրաժարական է տալու՝ Մելքումյանը պատասխանեց, որ գիտի այնքան, ինչքան լրագրողները, իսկ Ծառուկյան-Փաշինյան հանդիպումը շատ կարճ է տեւել:
Հարցին՝ եթե հստակ երաշխիքներ չկան, հնարավոր չի՞, որ Փաշինյանը սա արել է, որ շարժումը ջլատի, Ծառուկյանին հնազանդեցնի՝ Մելքումյանը պատասխանեց. «Չէ, ի՞նչ հնազանդեցնելու մասին խոսքը: Բացառում եմ, դա ի՞նչ ժանրի մոտեցում է: Կապրենք մի ամիս եւ մենք կտեսնենք: Ծառուկյանին հնազանդեցնել հնարավոր չի, մի քիչ զգույշ եղեք»:
Դիտարկմանը, որ դա տեսել ենք՝ Մելքումյանն արձագանքեց. «Չէ, դուք արյունահեղության չգնալը հնազանդեցման…դա մերժում եմ, միշտ պետք է արդար գնահատական տալ»:
Կարդացեք նաև
ԲՀԿ պատգամավորը վստահեցրեց, որ «Հայրենիքի փրկության շարժման» մեջ են, շարժումը չեն լքել. «Պայմանավորվածության խախտման դեպքում «17»-ը ամբողջ թափով կվերագործարկվի
Հռիփսիմե ՋԵԲԵՋՅԱՆ
«Ծառուկյանին հնազանդեցնել հնարավոր չի, մի քիչ զգույշ եղեք» այսպիսի գովերգությամբ Մելքումյանն իր տեղը փորձում է պնդացնել ԲՀԿ-ի ցուցակում: Իսկ Ծառուկյանը միայնակ բանակցությունների գնալու իր քայլով 17-ի շարժմանն ուզեց ապացուցել, որ 17-ում գլխավորն ինքն է և մեջքից հարվածեց Հայրենիքի փրկության շարժմանը: Բարգավաճը միշտ էլ իշխանությունների հետ բազարների գնացող է եղել, բայց հրապարակային դա
գովազդել է որպես հայրենասիրություն: Սա է փողատերերի հայրենասիրությունը: