«Մեղրիի միջանցքը միայն ձեռնտու է Թուրքիային և Ադրբեջանին»,- «Հայելի» ակումբում հրավիրված մամուլի ասուլիսի ընթացքում հայտարարեց ՀՀԿ փոխնախագահ Արմեն Աշոտյանը:
Նա նկատեց՝ թեման ծածկադմփոց են անում, քանի որ առաջիկայում ընտրություններ են: Մինչդեռ ինքը կարևոր տեղեկություններ ունի: Արմեն Աշոտյանը մանրամասնեց. «Ադրբեջանը չի համաձայնել Իջևանով երկաթգծի բացմանը՝ ասելով, որ դա կանենք երկրորդ էտապում: Ես ունեմ տեղեկություն, որ Ադրբեջանն ասել է՝ առավոտ Մեղրի, երեկոյան նոր Իջևանի մասին կխոսենք: Մեղրիի միջանցքի հնարավոր գործարկումը չի բարելավելու հայ-ռուսական լոգիստիկան: Մեղրիի միջանցքը չի լուծում վերին Լարսի խնդիրը»:
Արմեն Աշոտյանի հավաստմամբ՝ թուրք տնտեսագետները հաշվել են, որ Ադրբեջան-Թուրքիա առևտրաշրջանառությունը կդառնա 15 միլիոն:
ՀՀԿ փոխնախագահը նաև փաստեց՝ Մեղրիի միջանցքը բացելու համար 45 կմ երկաթգիծ պիտի կառուցել: Նա նշեց. «Հսկայական փողերի մասին է խոսքը: Ո՞վ է դա կառուցելու, ո՞ր փողով: Այսինքն՝ մեր տարածքով բերելու են ուրիշի փողով սարքեն երկաթգիծ, ասեն փողը մենք ենք տվել, հսկողությունը ռուսական կողմի վրա է, ու դուք ոչ մի բանի հետ կապ չունեք»:
Կարդացեք նաև
Տաթև ՀԱՐՈՒԹՅՈՒՆՅԱՆ
