Չնայած կորոնավիրուսային ու հետապատերազմյան ծանր իրավիճակին՝ Գյումրին շարունակում է մնալ Հայաստանի ամենագրավիչ քաղաքներից մեկը։
Շաբաթ-կիրակի օրերին կոլորիտային այս քաղաքը լեփ-լեցուն է հյուրերով, ամենուր զբոսաշրջային ավտոբուսներ են, այցելում են հյուրեր թե՛ հանրապետության տարբեր վայրերից` հատկապես մայրաքաղաքից, և թե՛ արտերկրից` հատկապես Ռուսաստանի Դաշնությունից։
Կարդացեք նաև
Այսօր նույնիսկ չինացիների ենք հանդիպել։
Մեր ֆոտոխցիկն այսօր ֆիքսեց, որ քաղաքի կենտրոնական սրճարաններում ոչ մի ազատ տեղ չկա, իսկ թանգարանների դիմաց երեկվանից մեծ հերթեր են (Տես գլխավոր լուսանկարը՝ հերթեր Մհեր Մկրտչյանի թանգարանի դիմաց)։
Զբոսավարները մեծ թվով դպրոցահասակների են ուղեկցում Գյումրի, ներկայացնում քաղաքի պատմական շենքերը։
Սակայն, նկատենք, որ ոչ միշտ է ճիշտ մատուցվում քաղաքի պատմությունը, մտածելու տեղիք է տալիս այն, որ օրինակ, ասենք, Շիրազի փողոցի վրա գտնվող Գյումրի ռեստորանի շենքը, որը հայտնի է նաև «Բարի լույսի» շենք անվամբ և որտեղ նկարահանվել են Ալբերտ Մկրտչյանի «Ուրախ ավտոբուս» ֆիլմից դրվագներ, ներկայացվում է որպես բաղնիքի շենք։
«Բարի լույսի» շենք
Նունե ԱՐԵՎՇԱՏՅԱՆ
