«Պատերազմից հետո, բացի գերիների փաստից, երեկ եւս մեկ հուժկու ապտակ ստացավ հանրությունը, երբ Շուշիում հանդիպեցին Ալիեւն ու Էրդողանը ու ռազմավարական գործակցության համաձայնագիր կնքեցին․ այն պարունակում է նաեւ ռազմաքաղաքական համագործակցություն, սակայն մեր համար ամենացավոտ հիշատակումը «Զանգեզուրի միջանցքն» էր,-լրագրողների հետ ճեպազրույցում այսօր հայտարարեց «Պատիվ ունեմ» դաշինքի ներկայացուցիչ Սոս Հակոբյանը։
Նա նշեց․ «Կողմերն ասացին, որ պետք է այն ի վերջո գործարկվի։ Բոլորս հիշենք սա՝ կապիտուլյանտին հեռացնելուն զուգահեռ։ Երեք «եղբայրներից» երկուսը երեկ հանդիպեցին Շուշիում, իսկ մեկը Սյունիքում այդ ընթացքում թափառաշրջիկի պես գունավոր չագուճով էր պտտվում։ Իր այցը կապ չուներ քարոզարշավի հետ, այլ տուրիստական ֆլեշմոբ էր, որ մի քանի սելֆի անեին։ ՀՀ բոլոր ծայրերից մարդկանց տարել էին Սյունիք»,-նշեց Սոս Հակոբյանը։
Լուիզա ՍՈՒՔԻԱՍՅԱՆ
