ԵԱՀԿ Մինսկի խմբի համանախագահների այցը Լեռնային Ղարաբաղ նպաստավոր պայմաններ կստեղծի Հայաստանի և Ադրբեջանի առաջնորդների հնարավոր հանդիպում կազմակերպելու համար: Այս մասին այսօր տեղի ունեցած ճեպազրույցում հայտարարել է Ռուսաստանի ԱԳՆ մամուլի և տեղեկատվության բաժնի փոխտնօրեն Ալեքսեյ Զայցևը:
Նրա խոսքով՝ Ռուսաստանը ելնում է նրանից, որ հատկապես բարձր և բարձրագույն մակարդակով պարբերական երկխոսությունը նպաստում է փոխըմբռնման ձևավորմանը և կառուցողական մթնոլորտ ստեղծում խնդիրների լուծման համար:
«Հենց շնորհիվ Ադրբեջանի ու Հայաստանի առաջնորդների հետ Պուտինի ինտենսիվ շփումների՝ հաջողվեց դադարեցնել արյունահեղությունը Լեռնային Ղարաբաղում… Ինչպես հասկանում եք, այդպիսի բարձր մակարդակի հանդիպումների կազմակերպումը պահանջում է լուրջ նախապատրաստություն: Ելնում ենք նրանից, որ Մինսկի խմբի համանախագահների այցը տարածաշրջան կնպաստի հենց դրա համար բարենպաստ պայմանների ձևավորմանը»,- ասել է նա:
Կարդացեք նաև
Պատրաստեց Վիկտորյա ԱՆԴՐԵԱՍՅԱՆԸ
