«Ավրորա» մարդասիրական նախաձեռնությունը եւ ՄԱԿ-ի հայաստանյան գրասենյակն այսօր «Դվին» համերգասրահում կազմակերպել էր Սուրբծննդյան բարեգործական տոնավաճառ:
Ստացված հասույթը հանգանակվեց «Ավրորայի» եւ ՄԱԿ-ի հայաստանյան մարդասիրական նախագծերի համար: Ստացված ամբողջ հասույթն, ըստ կազմակերպիչների, ուղղվելու է աշխարհի տարբեր անկյուններում դժվարին պայմաններում հայտնված մարդկանց կյանքը բարեփոխելու ծրագրերին, որոնք տառապում են հակամարտությունների, մարդկության դեմ իրագործվող հանցագործությունների կամ մարդու իրավունքների այլ լուրջ խախտումների հետեւանքով:
Միջոցառմանը մասնակցել են 70 ընկերություններ, Հայաստանում տարբեր երկրների դեսպաններ, միջազգային եւ հասարակական կազմակերպությունների ներկայացուցիչներ։ Տոնավաճառում ապրանքների լայն տեսականի էր՝ գրքեր, խաղալիքներ, հուշանվերներ, բացիկներ, ձեռագործ աշխատանքներ, զարդեր, տոնական ուտեստներ եւ ըմպելիքներ:
Կարդացեք նաև
Միջոցառման ընթացքում տեղի ունեցավ նաեւ նվերների փոխանակում, որի ընթացքում նվերներ ստացան կազմակերպիչների կողմից:
Լուսինե ԲՈՒԴԱՂՅԱՆ
Լուսանկարները՝ Aurora Prize-ի ֆեյսբուքյան էջի
