Սահմանամերձ Բերդ համայնքը ձեռք է բերել նոր տեխնիկա՝ ճանապարհաշինական աշխատանքների համար

Հայաստանի տարածքային զարգացման հիմնադրամի միջոցներով և Բերդի համայնքապետարանի համաֆինանսավորմամբ՝ 2021 թվականից մեկնարկել է «Բերդ խոշորացված համայնքի հանրային ծառայությունների բարելավման, էներգախնայողության և գյուղատնտեսության աջակցության» ծրագիրը: Այդ մասին Aravot.am-ի հետ զրույցում նշեց Բերդ համայնքի ղեկավարի տեղակալ Սամվել Հովսեփյանը։

Ծրագրի շրջանակում Բերդի համայնքապետարանը արդեն ձեռք է բերել 1 բազմաֆունկցիոնալ էքսկավատոր-բեռնիչ, 1 մինիամբարձիչ՝ իր լրացուցիչ կցորդներով, իսկ ավելի վաղ՝ 1 տեխօգնության ամենագնաց պիկապ՝ համալրված անհրաժեշտ սարքավորումներով, 150 հատ մետաղական աղբաման:

Սամվել Հովսեփյանը նշեց, որ նոր տեխնիկան ծառայելու է 16 գյուղական և 1 քաղաքային համայնքի՝  ամենամյա ճանապարհաշինարարական աշխատանքների և ջրագծերի վերանորոգման համար։

Կարդացեք նաև

«Կիրանցը իմ ճանաչած գյուղը չէր, կյանքը փոխվել էր, կարծես ուրվականների տարածք լիներ»․ Բագրատ սրբազանը վերադարձավ Կիրանցից

• 17:09 20.05.2024

Չենք ընդունում պաշտպանական գծերի չեզոքացումը և գյուղաբնակ քաղաքացիների վրա ճնշումները, որոնց մոտալուտ նպատակը՝ այսպես կոչված «անկլավների» հանձնումն է. «Բռունցքդ բեր»

• 16:19 20.05.2024

«Եկել էին, հերթական անգամ ստերով համոզում էին, ժողովրդին պառակտեցին գնացին»․ Կիրանցի բնակիչները՝ մարզպետի հետ հանդիպման մասին

• 13:38 17.05.2024

«Բերդ խոշորացված համայնքի հանրային ծառայությունների բարելավման, էներգախնայողության և գյուղատնտեսության աջակցության» ծրագրի շրջանակում համայնքը ձեռք կբերի նաև թվով 3 աղբատար մեքենա և անիվավոր տրակտոր՝ գութանով ու գրեյդերային շերեփով: Թվով 20 շենք-շինությունների վրա կտեղադրվեն 350 ԿՎ հզորությամբ ֆոտովոլտային կայաններ: Ծրագրի ընդհանուր արժեքը կազմում է շուրջ 347, 590,000 դրամ։

Լիա ՃԱՂԱՐՅԱՆ

Լուսանկարները՝ Բերդի համայնքապետարանի