Անվտանգության խորհրդի քարտուղար Արմեն Գրիգորյանն այսօր կառավարության նիստից հետո հայտարարեց, որ մինչեւ այս պահը Հայաստանն ու Ադրբեջանն անկլավների հարց չեն քննարկել:
Լրագրողների հետ ճեպազրույցում Արմեն Գրիգորյանը նշեց, որ ընդդիմության պնդումները, որ եթե կկնքվի խաղաղության պայմանագիր՝ անկլավների հարց է առաջանալու, անհասկանալի են: Նրա խոսքով, ընդդիմությունը երբեմն այնպիսի հայտարարություններ է անում, որ աղերս չունեն իրականության հետ։
«Մինչեւ այս պահն անկլավների հարց չի բարձրացվել: Կարելի է ասել, որ երկու կողմից էլ քանի որ անկլավ կա, ե՛ւ Ադրբեջանի՝ Արծվաշենը ե՛ւ Հայաստանի տարածքում անկլավ կա, եւ դրանց տարածքները գրեթե հավասար են, երկու կողմն էլ լուռ են այս հարցում եւ այն դեռեւս չի քննարկվել: Մեր հույսն այն է և հնարավոր լուծման տարբերակն այն է, որ Հայաստանի անկլավը թողնվում է Ադրբեջանին, Ադրբեջանի անկլավները, որոնք Հայաստանի տարածքում են, մնում են Հայաստանին: Իհարկե, կա այսպիսի հարց, թե ինչպես են դրանք առաջացել, որոնք շարունակում ենք ուսումնասիրել, բայց ընդհանուր երկարաժամկետ լուծման տարբերակը սա է»,- ասաց Արմեն Գրիգորյանը։
Կարդացեք նաև
Լուսինե ԲՈՒԴԱՂՅԱՆ