Aravot.am-ի տեղեկություններով, հունիսի 15-ին, ոստիկանություն ահազանգ է ստացվել, որ «Եղեգնաձոր» բժշկական կենտրոնի եւ «Մալիշկա» առողջության առաջնային պահպանման կենտրոնի աշխատակիցներից ոմանք, նյութական շահագրգռվածությունից ելնելով, տարբեր քաղաքացիների հետ ձեռք բերելով նախնական համաձայնություն, տրամադրել են «COVID-19» համավարակի դեմ պատվաստման վերաբերյալ կեղծ հավաստագրեր։ Միաժամանակ պատվաստված լինելու վերաբերյալ կեղծ տեղեկությունները մուտքագրել են «ԱրՄեդ» համակարգ, սակայն պարզվել է, որ պատվաստումների չափաբաժինները ստանալու ժամանակահատվածում տվյալ քաղաքացիները Հայաստանում չեն եղել։
Մասնավորապես նման եղանակով «Եղեգնաձոր» բժշկական կենտրոնում իբր պատվաստում են ստացել 40-ամյա Ն․ Ս․-ն, 38-ամյա Գ․ Ս․-ն, 59-ամյա Ե․ Տ․-ն․ եւ 65–ամյա Ծ․ Մ․-ն։
Իսկ «Մալիշկա» ՊՈԱԿ-ում իբր պատվաստում են ստացել 45-ամյա Բ.Ա․-ն, 45-ամյա Գ․ Ղ․-ն եւ 38-ամյա Է․Ս․-ն։
Դեպքի առթիվ նախապատրաստվում են նյութեր:
Կարդացեք նաև
Արմեն ԴԱՎԹՅԱՆ
