Հունաստանը 80 տանկեր ու զրահափոխադրիչներ է տեղափոխում Թուրքիայի հետ սահմանային շրջան։
Երեկ առավոտյան Հունաստանի զինված ուժերի տասնյակ տանկեր և զրահափոխադրիչներ են նկատվել հունա-թուրքական սահմանին։ Վերջիններս զանգվածաբար տեղակայված են Թուրքիայի հետ սահմանից ընդամենը 3 կիլոմետր հեռավորության վրա, ինչը, ըստ թուրքական մի շարք լրատվական աղբյուրների, վկայում է Աթենքի և Անկարայի միջև զինված բախման հավանականության մասին։
Ներկայումս հայտնի է, որ Մարիցա գետի տարածքում տեղակայվել է մինչև 60 զրահափոխադրիչ և հետևակի մարտական մեքենա, ինչպես նաև մի քանի տասնյակ տանկ։ Բոլոր զենքերը բեռնաթափումից հետո անմիջապես տեղակայվում են արդեն պատրաստված դաշտային ամրություններում։ Բացի այդ, մի շարք աղբյուրներ նշում են, որ հունական հրետանային դիրքերը տեղակայված են 7-8 կիլոմետր դեպի արևմուտք, ինչը, ըստ թուրքական լրատվամիջոցների, վկայում է Աթենքի և Անկարայի միջև լայնամասշտաբ բախումների մեկնարկի նախապատրաստման մասին։
«Արևմտյան Թրակիայի աղբյուրներից այսօր տրամադրված լուսանկարների և տեղեկատվության համաձայն, Հունաստանը ինտենսիվորեն զրահատեխնիկա և տանկեր է տեղափոխում դեպի թուրքական սահման: Նախկինում հունական զինված ուժերը սկսել էին հակատանկային խրամատներ փորել Մարիցա գետի ափին, որը կազմում է Թուրքիայի և Հունաստանի միջև սահմանը Արևմտյան Թրակիայում: Հունիսի սկզբին Հունաստանն արևելյան Էգեյան ծովում գտնվող բանակը բարձր պատրաստության վիճակի բերեց՝ «թուրքական սպառնալիքների» պատճառով, ասվում է թուրքական լրատվական աղբյուրների հայտարարության մեջ։
Կարդացեք նաև
Աթենքից այս պահին պաշտոնական մեկնաբանություններ չկան, սակայն Հունաստանի և Թուրքիայի միջև հարաբերություններում աճող լարվածությունը վկայում է այն մասին, որ երկու պետությունների միջև միշտ հակամարտություն է լինելու։
Այս տեղեկությունը հրապարակել է Avia.pro ավիացիոն պորտալը, որն իր ընթերցողներին թույլ է տալիս ժամանակին ստանալ կարևոր տեղեկատվություն օդային տրանսպորտի, քաղաքացիական ավիացիայի, ավիաընկերությունների, օդանավակայանների, սպասարկող ընկերությունների և ինքնաթիռներ արտադրողների մասին:
Ֆրանսերենից թարգմանությունը՝ Աննա Ազնաուրի
