«Հանուն Արցախի պաշտպանության» շարժման համակարգող խորհրդի անդամ Արշակ Աբրահամյանի ֆեյսբուքյան գրառումը
Դիմում եմ բոլոր նրանց, ովքեր մտահոգ են հայրենիքի շուրջ ստեղծված իրավիճակով և փորձում են ամեն կերպ պայքարելով՝ իրենց լուման ներդնել այդ գործում։
«Հանուն Արցախի պաշտպանության» շարժումը կյանքի է կոչվել համախմբելու նման կերպ մտածող մարդկանց։ Միայն մեկ գաղափարի շուրջ համախմբվելով և հանուն այդ նպատակի ջանք ու եռանդ չխնայելով կարող ենք պաշտպանել Հայրենիքը և գալիք սերունդներին ժառանգել անվտանգ և զարգացող պետություն։
Եկեք մի կողմ թողնենք բոլոր կուսակցական, գործնական, կենցաղային և այլ բնույթի տարաձայնությունները և միասնական կերպով պաշտպանենք Հայրենիքը վերահաս վտանգներից։
Կարդացեք նաև
Միանալով շարժմանը Դուք չեք միանում կոնկրետ անհատի կամ կուսակցության։ Տեղերում ինքնակազմակերպվելով և Հայրենիքի պաշտպանության վերաբերյալ ունեցած Ձեր գաղափարների և տեսլականի շուրջ մարդկանց համախմբելով հնարավոր է, որ հենց Դուք կարող եք դառնալ այն անհատը, որը կառաջնորդի ժողովրդին։
Վստահաբար կարող եմ ասել, որ հենց այդ պարագայում են ժողովրդի միջից ծնվելու այն լիդերները, որոնց մասին այդքան խոսում են մարդիկ։
ՀԱՅ ԱԶԳԸ բազմիցս ապացուցել է, որ համախմբվելով կարող է անել անհնարինը։
Վստահ եմ՝ այս անգամ էլ ենք հաջողելու:
