Տավուշի մարզի սահմանամերձ Բերդ համայնքը ձեռք է բերել գյուղատնտեսական նոր տեխնիկա։ Այդ մասին հայտնեցին Բերդի համայնքապետարանից։ «Բերդ խոշորացված համայնքի հանրային ծառայությունների բարելավման, էներգախնայողության և գյուղատնտեսության աջակցության» ծրագրի շրջանակում համայնքի տեխնիկական պարկը համալրվել է անիվավոր տրակտորով՝ գութանով և գրեյդերային շերեփով: Համայնքապետարանից նշեցին,որ տեխնիկան ծառայելու է բոլոր գյուղական բնակավայրերին։
Ծրագիրն իրականացրել է Հայաստանի տարածքային զարգացման հիմնադրամը՝ ԱՄՆ միջազգային զարգացման գործակալության (USAID) միջոցներով, Բերդի համայնքապետարանի մասնակցությամբ (ներդրումը՝ընդհանուր արժեքի 10%): Բյուջեի ընդհանուր արժեքը 347, 590,000 ՀՀ դրամ է, որից Բերդի համայնքապետարանի ներդրումը կազմում է 34, 759, 000 ՀՀ դրամ։ Նախկինում տեղեկացրել էինք, որ համայնքը ձեռք է բերել նաև 1 բազմաֆունկցիոնալ էքսկավատոր-բեռնիչ, 1 մինիամբարձիչ, 1 տեխօգնության ամենագնաց պիկապ, 3 աղբատար մեքենա և 150 հատ մետաղական աղբաման:
Լիա ՃԱՂԱՐՅԱՆ
Կարդացեք նաև
Լուսանկարը՝ Բերդի համայնքապետարանի