Գյումրու քաղաքապետարանի ֆեյսբուքյան պաշտոնական էջից տեղեկանում ենք, որ այսուհետ Գյումրիում ամեն ուրբաթ՝ ժամը 16:00-18:00-ին այս քաղաքում տեղակայված ռուսական 102 ռազմական բազայի զինվորական տարածքներում զորքերի մարտունակության պահպանման համար անցկացվելու են զորավարժանքներ:
Այս մասին ռազմաբազայից տեղեկացրել են քաղաքապետարանին։
«Մեր ազգաբնակչությանը հորդորում ենք, քաղաքի տարածքում կրակոցների ձայներ լսելիս խուճապի չմատնվել»,-նշված է քաղաքապետարանի հաղորդագրության մեջ:
Նշենք, որ քիչ չեն եղել այն դեպքերը, երբ ռազմաբազայի պատասխանատուները զորավարժանքներ անցկացնելիս՝ նախապես տեղյակ չեն պահել գյումրեցիներին, վերջիններս էլ, կրակոցի ձայներ լսելով,խուճապ են մատնվել՝ համացանցում միմյանց հարցնելով, թե ինչ է կատարվում քաղաքում։
Կարդացեք նաև
Նունե ԱՐԵՎՇԱՏՅԱՆ
