«Իմ հանդեպ որևէ քաղաքական կամ այլ բնույթի հարձակում տեղի չի ունեցել: Ցավոք, ստիպված եմ ինքս հերքել իմ մասին պտտվող ստահոդ տեղեկությունը: Ինչ վերաբերում է «տեղեկության» տարածմանը, կարծում եմ, ամենազարմանալին այն է, թե ով ում է ցիտում: Իսկ թե ինչու, ինձ նույնիսկ հետաքրքիր էլ չէ: Լավագույն մաղթանքներս բոլորին»,-հայտարարել է վարչապետ Նիկոլ Փաշինյանի որդին՝ Աշոտ Փաշինյանը։
Նրա այս հայտարարությանը նախորդել էր ԱԺ նախագահ Ալեն Սիմոնյանի գրառումն այն մասին, որ վարչապետի որդին եւս հարձակման է ենթարկվել։
Փաստացի, Աշոտ Փաշինյանը հերքում է ԱԺ նախագահին։ Ընդ որում, այդ գրառումն Ալեն Սիմոնյանն իր ֆեյսբուքյան էջից կարծես թե հեռացրել է։
Խորհրդարանում այսօր լրագրողներն Ալեն Սիմոնյանից փորձեցին հետաքրքրվել, թե ինչպես կպարզաբանի այս փաստը։ Նա, սակայն, շտապեց հեռանալ՝ ասելով, որ չի մեկնաբանում։
Կարդացեք նաև
Նկատառմանն ի պատասխան, որ փաստորեն կեղծ տեղեկություն է տարածել, Ալեն Սիմոնյանն ասաց․ «Չեմ մեկնաբանի։ Ուզում ես այլ որակում տուր, չեմ մեկնաբանում։ Որակումները խմբագրիդ կտաս»։
Լուիզա ՍՈՒՔԻԱՍՅԱՆ
