Կա­րի՛­քը ու­նինք յանձ­նա­ռու սե­րունդ­նե­րուն: Պար­տա­ւոր ենք նոր ու­ղի­նե­րէ ա­ռաջ­նոր­դել հայ ե­րի­տա­սար­դու­թեան զան­գո­ւած­նե­ր. «Ազատ օր»

«Ազատ օր». Հայ քա­ղա­քա­կան միտ­քը ի­րա­ւունք չու­նի ան­տէր ձգե­լու հայ ե­րի­տա­սար­դը։ Ե­րի­տա­սար­դու­թիւ­նը մեր ա­պա­ւէնն է, պայ­քա­րի դրօ­շա­կի­րը, ո­րուն աչ­քե­րուն վրայ մշտա­պէս յա­ռած է հայ ժո­ղո­վուր­դը, ա­մէն ան­գամ որ ցե­ղին ձայ­նը ազ­դան­շա­նը տո­ւած է։
Սա­կայն այ­սօր, երբ հա­յու­թեան մեծ հա­տո­ւած­նե­րը կը գտնո­ւին հիաս­թա­փու­թեան մթնո­լոր­տին մէջ ին­կած ըլ­լա­լու ի­րա­կա­նու­թեան տակ, հայ քա­ղա­քա­կան միտ­քը եւ մտա­ւո­րա­կա­նու­թիւ­նը պար­տին քա­լել նոր հե­րո­սա­պա­տում­նե­րու ակն­կա­լի­քի յոյ­սին մէջ։ Ժո­ղո­վուր­դը կա­րի­քը ու­նի յոյ­սի աղ­բիւ­րէն իր ծա­րա­ւը յա­գեց­նե­լու։ Ե­րի­տա­սար­դու­թիւ­նը պէտք ու­նի այն յու­սա­տու ազ­դան­շա­նին, որ­պէս­զի հա­յոց պա­հան­ջա­տի­րու­թեան ո­գին վերս­տին բո­ցա­վա­ռու­մի կայ­ծը սփռէ ա­նոր սիր­տին մէջ։

Այ­սօր, երբ վե­րան­կա­խա­ցած հայ­րե­նի քա­ղա­քա­կան կեան­քը ար­դէն բո­լո­րած է ե­րե­սուն տա­րի­նե­րու փոր­ձա­ռու­թեան շրջա­նը, պար­տա­ւոր ենք նոր ու­ղի­նե­րէ ա­ռաջ­նոր­դել հայ ե­րի­տա­սար­դու­թեան գի­տա­կից եւ նո­ւի­րեալ զան­գո­ւած­նե­րը։ Հայ­կա­կան եր­կին­քին տակ ներշն­չո­ւող մտա­ւո­րա­կա­նը պար­տի իր գրի­չով ու խօս­քով նոր հե­րո­սա­կան կեր­պար­ներ ստեղ­ծել, ա­նոնք, ո­րոնք Րաֆ­ֆի­նե­րու եւ Ռու­բէն­նե­րու օ­րե­րէն կը շա­րու­նա­կեն հե­րո­սա­պա­տում­նե­րու տե­սիլք­ներ կայծկլ­տել ե­րի­տա­սարդ կազ­մո­ւածք­նե­րուն մէջ։

Կա­րի՛­քը ու­նինք յանձ­նա­ռու սե­րունդ­նե­րուն։ Ժո­ղո­վուրդ­նե­րու հե­րո­սա­կան է­ջե­րը ոչ սոսկ պա­հու, ոչ ալ պա­տա­հա­կան ի­րա­դար­ձու­թիւն­նե­րու ծնուն­դը ե­ղած են։ Ա­նոնք մտա­ւո­րա­կան գոր­ծին մէ­ջէն վե­րա­զարթ­նու­մի, քա­ղա­քա­կան հա­սու­նու­թեան, միաս­նա­կան պայ­քա­րու­նակ ո­գի ստեղ­ծե­լու կեն­սա­տու ա­ւա­զա­նը ե­ղած են, ո­րոնց մէջ սե­րունդ­նե­րը մկրտո­ւե­ցան ա­զատ ու ան­կախ ապ­րե­լու խոր­հուր­դով։

Հա­յոց ցե­ղաս­պա­նու­թեան 108-ա­մեա­կը հայ աշ­խար­հը պէտք է մղէ ազ­գա­յին մտա­ծո­ղու­թիւ­նը վե­րա­նա­յե­լու եւ վե­րաո­րա­կա­ւո­րե­լու ճի­գին։

Կարդացեք նաև

Հայոց ցեղասպանութեան նուիրուած յուշարձան պիտի կանգնի Փիրէայի մէջ. «Ազատ օր»»

• 11:52 05.03.2024

Պէտք է հա­մախմ­բո­ւինք հայ­րե­նի­քի հզօ­րաց­ման աշ­խա­տան­քին շուրջ. ցույց և քայլերթ Աթէնքի մէջ. «Ազատ օր»

• 11:33 04.10.2023

«Լեռնային Ղարաբաղի հայերը կանգնած են էթնիկ զտումներու վտանգի առջեւ»

• 16:27 03.05.2023

Հոդվածն ամբողջությամբ ՝ «Ազատ օր»-ում