Որպես երկրի գլխավոր տեղեկատվական համակարգող՝ փոխվարչապետ Մհեր Գրիգորյանի նախագահությամբ կայացել է Տեղեկատվական համակարգերի կառավարման խորհրդի հերթական նիստը:
Նիստի շրջանակներում ներկայացվել են արդարադատության, առողջապահության, ընտրական համակարգի, սփյուռքի հարցերի, քաղաքաշինության ոլորտներում թվայնացման ընթացիկ ծրագրերը։ Ծավալուն քննարկումների ընթացքում շեշտադրվել է պետության կողմից մատուցվող թվային ծառայությունները քաղաքացու և բիզնեսի փորձառության ու կյանքի իրավիճակների տեսանկյունից դիտարկելու անհրաժեշտությունը՝ ապահովելով պետության կողմից քաղաքացիակենտրոն ծառայություններ մատուցելու Կառավարության հանձնառությունը։
Նիստի ավարտին կոնկրետ ծրագրերի հետ կապված կայացվել են որոշումներ, այդ թվում «միայն մեկ անգամ» սկզբունքով տվյալների քաղաքականությանը հետևելու, տեղեկատվական համակարգերի փոխգործելիության, տվյալների ենթակառուցվածքների ու կիբեռանվտանգության հարցերի, ծառայությունների մատուցման քաղաքականության ու բիզնես գործընթացների վերլուծության անհրաժեշտության հետ կապված։
Ամրագրվել են նաև պայմանավորվածություններ հաջորդ նիստի անցկացման վերաբերյալ:
Կարդացեք նաև
ՀՀ կառավարություն
