Հարգելի քաղաքացիներ,
Տեղեկացնում ենք ձեզ, որ Հայաստանի Հանրապետության Տարածքային կառավարման և ենթակառուցվածքների նախարարի սույն թվականի հուլիսի 11-ի թիվ 1334-Ա հրամանով Քաղաքացիական ավիացիայի կոմիտեի նախագահի տեղակալի պաշտոնում 2023 թվականի հուլիսի 12-ից նշանակվել է Քաղաքացիական ավիացիայի կոմիտեի օդային փոխադրումների կարգավորման վարչության պետ Ստեփան Հայկի Փայասլյանը։
Ստեփան Փայասլյանը ծնվել է 1981 թվականի սեպտեմբերի 1-ին Երևան քաղաքում:
ԿՐԹՈՒԹՅՈՒՆԸ՝
Կարդացեք նաև
1997-2001թթ. Երևանի Պետական համալսարան՝ քաղաքագիտության բակալավրի աստիճան,
2001-2003թթ. Երևանի Պետական համալսարան՝ քաղաքագիտության մագիստրոսի աստիճան,
2003-2006թթ. ԳԱԱ Պատմության ինստիտուտի ասպիրանտուրա՝ պատմական գիտությունների թեկնածու,
2009-2012թթ. Երևանի Պետական համալսարան՝ տնտեսագիտության մագիստրոսի աստիճան
ԱՇԽԱՏԱՆՔԱՅԻՆ ԳՈՐԾՈՒՆԵՈՒԹՅՈՒՆԸ
01.03.2005-27.09.2012թթ. – ՀՀ կենտրոնական բանկ, ֆինանսական վերահսկողության վարչության վերահսկող,
28.09.2012-21.05.2013թթ. – «Արարատբանկ» ԲԲԸ, պլաստիկ քարտերով գործառնությունների վարչության պետ,
03.02.2014-30.09.2014թթ. – ԱՄՆ ՄԶԳ Ձեռնարկությունների զարգացման և շուկայի մրցունակության ծրագրի քաղաքացիական ավիացիայի բարեփոխումների աշխատանքային խմբի փորձագետ,
03.10.2014-18.07.2016թթ. – ՀՀ էկոնոմիկայի նախարարության աշխատակազմ՝ փորձագետ,
18.07.2016-06.02.2017թթ. – ՀՀ էկոնոմիկայի նախարարության աշխատակազմ՝ քաղաքացիական ավիացիայի քաղաքականության և տնտեսական կարգավորման վարչության պետի ժամանակավոր պաշտոնակատար,
06.02.2017-05.11.2019թթ. – ՀՀ կառավարությանն առընթեր քաղաքացիական ավիացիայի գլխավոր վարչության օդային փոխադրումների կարգավորման վարչության պետի տեղակալ,
05.11.2019-28.12.2021թթ. – Քաղաքացիական ավիացիայի կոմիտեի օդային փոխադրումների կարգավորման վարչության պետի պաշտոնակատար,
19.01.2022-13.05.2022թթ. – Քաղաքացիական ավիացիայի կոմիտեի օդային փոխադրումների կարգավորման վարչության պետի տեղակալ,
13.05.2022թ.-12.07.2023 – Քաղաքացիական ավիացիայի կոմիտեի օդային փոխադրումների կարգավորման վարչության պետ:
Ստեփան Փայասլյանն ամուսնացած է, ունի 3 զավակ:
Քաղաքացիական ավիացիայի կոմիտե
