Իրանագետ Ժաննա Վարդանյանի «Իրանն այսօր» տելեգրամյան ալիքից տեղեկանում ենք.
ՀՀ ԱԽ քարտուղարը հանդիպել է ԻԻՀ ԶՈւ ԳՇ պետ Մոհամմադ Բաղերիի հետ
➡️Բաղերին, նշելով, որ Հարավային Կովկասի անվտանգային գործընթացներն ու զարգացումներն ազդում են տարածաշրջանի անվտանգության վրա, հավելել է. «Տարածաշրջանում լարվածության շարունակումը Հայաստանի ու Ադրբեջանի, ինչպես նաև տարածաշրջանի մյուս երկրների օգտին չէ, ուստի պետք է ջանքերը կենտրոնացվեն այդ հակասությունների ու լարվածության վերացման վրա: Իրանը պատրաստ է աջակցել լարվածության վերացմանը»:
➡️Բաղերին, ընդգծելով, որ Իրանը պատրաստ է դիտորդ ուղարկել Հայաստանի ու Ադրբեջանի սահման, նշել է. «Ցանկացած երկրի ռազմական ու պաշտպանական կարողությունների բարձրացումը չպետք է լինի հարձակողական նպատակներով: Տարածաշրջանում խաղաղությունը բոլոր երկրների օգտին է: Տարածաշրջանի անվտանգությունը պետք է ապահովվի տարածաշրջանի երկրների միջոցով, իսկ արտատարածաշրջանային ուժերի ներկայությունը հակասում է տարածաշրջանի խաղաղությանը: Տարածաշրջանում ճգնաժամ ստեղծելու ոչ մի պատճառ չկա: Պառակտումն ու անկայունությունն օտարների քաղաքականությունն է, և տարածաշրջանի երկրներն իրենց խնդիրները պետք է լուծեն երկխոսության միջոցով»:
Կարդացեք նաև
➡️Մատնանշելով հայ-ամերիկյան զորավարժությունները՝ ԻԻՀ ԶՈւ ԳՇ պետը ընդգծել է. «Նոր և արտատարածաշրջանային դերակատարների ներկայությունը ավելացնում է անկայունությունը»:
