ՌԴ կառավարությունը հաստատել է Կապանում հյուպատոսություն բացելու մասին համաձայնագիրը: Համապատասխան որոշումը ստորագրել է ՌԴ վարչապետ Միխայիլ Միշուստինը:
«Ընդունել Ռուսաստանի արտաքին գործերի նախարարության առաջարկությունը՝ նոտաների փոխանակման միջոցով Ռուսաստանի Դաշնության կառավարության և Հայաստանի Հանրապետության կառավարության միջև Կապան քաղաքում Ռուսաստանի Դաշնության գլխավոր հյուպատոսություն ստեղծելու մասին», – ասվում է փաստաթղթում։
Ինչպես հաղորդում է TASS գործակալությունը, Կապանում ՌԴ գլխավոր հյուպատոսությունը կլինի երկրորդը Հայաստանում, առաջինը գտնվում է Գյումրիում:
Ռուսաստանի Դաշնության արտաքին գործերի նախարարությանը հանձնարարվել է փոխանակել նոտաներ։ Անհրաժեշտության դեպքում թույլատրվում է նոտայի նախագծում կատարել այնպիսի փոփոխություններ, որոնք «հիմնարար բնույթ չեն կրում»։
