Ապօրինի կերպով զենք-զինամթերք պահելու համար իրավապահները կալանքի տանելու նպատակով ձերբակալել են գործարար Վարդան Հարությունյանին:
Այս մասին այսօր Oragir.News-ի հետ զրույցում ասաց Հարությունյանի պաշտպան Արայիկ Ներսիսյանը:
Փաստաբանի խոսքով՝ մինչև կեսգիշեր տևած դատական նիստի ընթացքում դատարանը որոշել է մերժել Քննչական մարմինների կողմից որպես խափանման միջոց ներկայացրած կալանքի կիրառման միջնորդությունը, և Վ․ Հարությունյանը դատարանի դահլիճից ազատ է արձակվել:
Արայիկ Ներսիսյանի խոսքով՝ իր պաշտպանյալը՝ Վարդան Հարությունյանը, 2020 թվականին կամավոր մասնակցել է արցախյան 44-օրյա պատերազմին, որտեղից էլ, ենթադրաբար, ձեռք էր բերվել նշված զենք-զինամթերքը։
Կարդացեք նաև
«2023 թվականի դեկտեմբեր ամսվա սկզբին իմ պաշտպանյալի նկատմամբ քրեական վարույթ էր նախաձեռնվել ապօրինի կերպով զենք և ռազմամթերք ձեռք բերելու և պահելու փաստով, որի համար քրեական օրենսգրքով որպես պատիժ նախատեսվում է մինչև 5 տարի ազատազրկում։
Իմ պաշտպանյալը հերթական անգամ նշված վարույթի վերաբերյալ տեղեկություններ իմանալու, հերթական անգամ տեղեկանալու, թե ինչ է կատարվում, իր գործն ինչ եղավ, և իր՝ վարույթին օժանդակելու հնարավոր պատրաստակամությունը հայտնելու նպատակով գնացել է Վաղարշապատի քննչական բաժին՝ միաժամանակ ցանկանալով իր կողմից կազմված գրավոր դիմում-միջնորդությունը ներկայացնել քննիչին, սակայն որոշ ժամանակ անց, անակնկալ կերպով, գալիս են ոստիկանության աշխատակիցները և հենց քննչական բաժնում ձերբակալում Վ․ Հարությունյանին։
Նյութն ամբողջությամբ՝ սկզբնաղբյուր կայքում
