«Շարժման պահանջն է հրաժարվել ընտրված կուրսից, միակողմանի զիջումներից ու երկրի զարգացման համար ոչ թե պարտվողական քաղաքականություն վարել, այլ բերել այն վիճակին, որ ժողովուրդը այս կռացած, ծնկաչոք վիճակից դուրս գա»,- քիչ առաջ Aravot.am-ի հետ զրույցում ասաց Հանրապետության հրապարակ եկած ՀՀ ԶՈՒ ԳՇ պետի նախկին տեղակալ Տիրան Խաչատրյանը:
Հարցին՝ ԱԱԾ-ն հայտարարություն է տարածել եւ սահմանադրական կարգի պահպանման իր գործառույթի շրջանակներում հորդորել, որ շարժման մասնակիցները չոտնձգեն իրավակարգի դեմ, սա սպառնալի՞ք է՝ Տիրան Խաչատրյանը պատասխանեց. «Երեւի իրենց վախերն են ցույց տալիս, բայց ես որեւէ մեկի կողմից ոտնձգություններ անելու՝ սահմանադրական կարգի դեմ ուղղված չեմ տեսել: Իրենք իրենց վախերն են ցույց տալիս»:
Տիրան Խաչատրյանն ասաց, որ այն, ինչ իշխանություններն արել են, երեւի մտքով անցկացրած կլինեն՝ եթե իրենց նկատմամբ դա անեին, ինչ կլիներ. «Փոս փորողը փոսն է ընկնում»:
Կարդացեք նաև
Հարցին՝ քանի՞մարդ պետք է հավաքվի, որ հրաժարական պարտադրվի Փաշինյանին՝ Տիրան Խաչատրյանը պատասխանեց. «Անկեղծ ասեմ՝ մարդ հավաքելով իրեն հրաժարական պարտադրել չի ստացվի: Եթե նույնիսկ ինքը մենակ էլ մնա, հրաժարական չի տալու, պետք է ուղղակի վերցնել ու տանել համապատախան տեղ էդ մարդուն»: Թե ո՞վ պետք է վերցնի՝ նա պատասխանեց.«Լուրջ ուժերը: Ինքը հրաժարական տվողներից չի, ես այդպես եմ տեսնում»:
Հռիփսիմե ՋԵԲԵՋՅԱՆ
