«Ես կոչ եմ անում մեր բոլոր հայրենակցիներին՝ մայիսի 26-ին, ժամը 4-ին լինել Հանրապետության հրապարակում։ Այնտեղ որոշվելու է Հայաստանի ապագան»,- ԱԺ ճեպազրույցների ժամանակ ասաց «Պատիվ ունեմ» խմբակցության պատգամավոր Հայկ Մամիջանյանը՝ անդրադառնալով «Տավուշը հանուն հայրենիքի» շարժման՝ մայիսի 26-ին նախատեսվող հանրահավաքին։
ՔՊ-ականները հայտարարում են, որ հաջորդ ընտրություններում ՔՊ-ն Տավուշում «շռնդալից հաղթանակ» է ունենալու։
Ի պատասխան Մամիջանյանն ասաց․ «Փաշինյանը մի հետաքրքիր հատկանիշ ունի, ինքն ուզում է ամեն ինչ իր օրակարգով անել, նույնիսկ ասում է, որ իր օրակարգով է գնդակահարության պատին մոտենալու։ Նախ ուզում եմ Փաշինյանին ասել, որ Հայաստանի Հանրապետությունում չկա մահապատիժ պատժի տեսակ։ Ինքն իր օրակարգով չի գնալու դրան, ինքը խելոք, օրենքին համապատասխան գնալու է շատ երկար բանտարկության, որովհետեւ պետական դավաճանության համար հոդվածները շատ երկար են։ Եվ, այո, ՀՀ քրեակատարողական հիմնարկներում կլինեն որոշ խուցեր, որտեղ ՔՊ-ն ահագին ձայն կհավաքի, որովհետեւ մեծամասնությունն այնտեղ նստած կլինի։ Այ այդպիսի Հայաստան եմ ես պատկերացնում։ Եվ վստահ եմ, որ դա իրականություն է դառնալու»։
Կարդացեք նաև
Ռոզա ՀՈՎՀԱՆՆԻՍՅԱՆ
