«Տավուշը հանուն հայրենիքի» շարժման առաջնորդ Բագրատ սրբազանը լրագրողների հետ զրույցում անդրադարձավ հարցին, որ Ստեփանակերտի քաղաքապետը 20 օրով կալանավորվել է։
«Այս մարդիկ ամբողջ Արցախը հանձնել են, կործանել են մարդկանց կյանքը, չեն ճանաչում այդ պետությունը, ո՞ւմ են ձերբակալում, մարդկանց, որոնք ի՞նչ են արել, իրենց պատճառով տնազրկվե՞լ են, իրենց հայրենիքը ուղղակի զարկվա՞ծ է»,- ասաց Բագրատ սրբազանը։
Դիտարկմանը, որ Արցախի համայնքապետերին մեղադրում են պետական գույքը յուրացնելու մեջ, Բագրատ սրբազանը պատասխանեց․ «Ո՞ւմ գույքը, իրենց ի՞նչ՝ ում գույքն է, ո՞ւմ գույքն են յուրացրել։ Այդ մեքենաները, որ բերել, են, պետք է թողնեին այնտեղ գայի՞ն։ Հսկայական տուն-տեղ, հայրենիք, սրբավայրեր, գերեզմաններ են թողել այդ մարդիկ իրենց պատճառով։ Չե՞ք զգում, որ լրիվ քաղաքական վիճակ է, վախեցնեն, սարսափեցնեն։ Ո՞ւմ են ուզում վախեցնել, իրենք են վախեցած, ձեռքներն ինչ ընկնում է, ինչ ուզում են անել, չեն կարող, հոգեվարքի մեջ են։ Մենք նահանջելու տեղ չունենք, եթե նահանջող կա, իրենք են։ Տղաներին էլ ողջույններ եմ հղում՝ մեր Ստեփանակերտի, Մարտակերտի, Ասկերանի քաղաքապետերին։ Մարդկանց զրկել են տնից-տեղից, հայրենիքից հիմա էլ ուզում են իբր վախեցնել, այդ մարդկանց կարո՞ղ են վախեցնել»
Կարդացեք նաև
Ռոզա ՀՈՎՀԱՆՆԻՍՅԱՆ
