«Որևէ բան, որը ենթադրում է միջանցքի ստեղծում և դրա վերահսկողության հանձնում որևէ այլ կողմի, չի քննարկվում»,-դիտարկմանը՝ քննարկվում է Նախիջևան-Սյունիք-Ադրբեջան ենթակառուցվածքների վերահսկողությունը մասնավոր ընկերություններին՝ հնարավոր փոխանցումը և հարցին՝ ինչպե՞ս է դա արվելու, ո՞րն է Ադրբեջանի դիրքորոշումը, ի՞նչ ձևաչափով դա կարող է տեղի ունենալ, Լյուքսեմբուրգի Մեծ Դքսության փոխվարչապետ, ԱԳ և արտաքին առևտրի նախարար Քսավյե Բետելի հետ համատեղ մամուլի ասուլիսի ժամանակ այսպես պատասխանեց ՀՀ ԱԳ նախարար Արարատ Միրզոյանը։
Նա վստահեցրեց՝ մենք ասել ենք, որ ՀՀ-ի համար երրորդ ուժերի ներկայությունը և նրանց կողմից վերահսկողությունը բացառվում է, մեզ համար դա անընդունելի է․ «Խոսքն այլ բանի մասին է։ Իրականում, որպեսզի մարդկանց մոտ անվտանգության զգացողությունը մի աստիճանով էլ ավելանա, մենք երկու երկրներում էլ կարող ենք ներգրավել, քննարկվելիք տարբերակ է, օրինակ՝ արտոնագրված մի մասնավոր պահնորդական ընկերություն, որը գնացքի վրա կամ մեջ կարող է ուղեկցել բեռները կամ ուղևորներին։ Ենթադրվելիք ապաշրջափակվող ենթակառուցվածքները տվյալ դեպքում երկաթուղու երկայնքով տեղակայվող ոչ պետական երրորդ կողմի, ոչ մասնավոր ներկայություն մեզ համար ընդունելի չի եղել և հիմա էլ չէ»։
Տաթև ՀԱՐՈՒԹՅՈՒՆՅԱՆ
