Արցախահայության դեմ հարձակումների առնչությամբ
Ազգային-ժողովրդավարական Բևեռի խորհուրդը խստորեն դատապարտում է Հայաստանը զավթած ռուս-թուրքական կոլաբորացիոն կառավարության կողմից սոցիալական ցանցերով և հանրային այլ միջոցներով արցախահայության դեմ կազմակերպած վայրահաչության, ատելության խոսքի, հայ ժողովրդի պառակտմանն ուղղված արշավը։
Արցախահայությունը Հայաստանի մյուս մարզերի քաղաքացիների նման գտնվում է իր տանը՝ Հայաստանի Հանրապետությունում, սահմանադրությամբ ունի բոլոր իրավունքները անկաշկանդ և առանց խոչընդոտների բարձրաձայնելու և պայքարելու հայ ժողովրդի և Հայաստանի շահերի համար, այդ թվում հավաքներ, ցույցեր, պիկետներ կազմակերպել այդ նպատակներով։
Կոչ ենք անում մեր բոլոր հայրենակիցներին կոշտ պատասխաններ տալ և լռեցնել երևանյան վարչախմբի կողմից տարատեսակ բլոգերների և կեղծ օգտահաշիվների կողմից իրականացվող տեղեկատվական արշավները, որոնք ուղղված են Արցախի մարզի մեր հայրենակիցներին հայ ժողովրդի ամբողջականությունից թե՛ ազգային, թե՛ քաղաքական առումներով առանձնացնելուն։
Կարդացեք նաև
Բևեռի խորհուրդը վերահաստատում է, որ Արցախի հանձնումը կազմակերպվել և իրականացվել է երևանյան վարչախմբի գործուն դավաճանական մասնակցությամբ, և հայությունը, որպես ամբողջական քաղաքական մարմին, պետք է ներդնի բոլոր ջանքերը նախ ազատվելու համար կառավարության շենքում նստած թշնամու հինգերորդ շարասյունից, այնուհետև իրականացնի Արցախ վերադարձի համար քաղաքական անհրաժեշտ քայլերը։
Ազգային-ժողովրդավարական Բևեռի խորհուրդ
