Երեւանի քաղաքապետարանի գործակարգավարական խորհրդակցությունից հետո լրագրողների հետ զրույցում Մալաթիա-Սեբաստիա վարչական շրջանի ղեկավար Ռոմիկ Մխիթարյանը պատասխանելով այն դիտարկմանը, որ ինքը, փաստորեն, վերջնագիր է ներկայացրել քաղաքապետ Տիգրան Ավինյանին՝ եթե նա Նոր Նորքի թաղապետին հայտնի միջադեպից հետո ազատի աշխատանքից, ապա «Հանրապետություն» կուսակցության բոլոր ներկայացուցիչները վայր կդնեն իրենց լիազորությունները, ինչի արդյունքում «Հանրապետություն»-ՔՊ կոալիցիան կկազմալուծվի, հետեւյալ կերպ արձագանքեց. «Չկա նման բան, դա ուլտիմատում չէր, դա իմ ընկերական վերաբերմունքն էր»:
Հարցին՝ հիմա է՞լ են պատրաստվում լիազորությունները վայր դնել, կարճ պատասխանեց՝ հաջողություն, նստեց ավտոմեքենան ու հեռացավ:
Բլոգեր Արթուր Չախոյանի ծեծի վերաբերյալ եւ այլ հարցերի նա չցանկացավ պատասխանել:
Գոհար ՀԱԿՈԲՅԱՆ
