Վրաստանն արգելել է Հայաստանից ծաղիկների խոշոր խմբաքանակի ներկրումը վնասակար միջատների պատճառով, հայտնում է Sputnik Արմենիա-ն: Վրաստանի ֆինանսների նախարարությունը նշում է, որ 10 հազար ծաղիկներից բաղկացած խմբաքանակը կասեցվել է «Սադախլո» անցակետի մաքսավորների կողմից։
Հիշեցնենք՝ ավելի վաղ Ռոսսելխոզնադզորը հայտնել էր, որ տարածքային բաժինների կողմից անցկացված կարանտինային ֆիտոսանիտարական վերահսկողության արդյունքների համաձայն՝ հայտնաբերվել է արևմտյան ծաղկային թրիպսներով (Frankliniella occidentalis Pergande) ծաղիկների վարակման 13 դեպք՝ ՀՀ-ից ներկրված ծաղիկներում:
