Իրանագետ Արտյոմ Տոնոյանի տելեգրամյան ալիքի գրառումը.
«Փեզեշքյանի այցը Ստեփանակերտ իրանցիների շրջանում ընդունվել է ոչ միանշանակ։
Քննադատությունները պտտվում են երկու հիմնական թեմայի շուրջ՝
1) Փեզեշքյանը իր պաշտոնավարման վերջին 6 ամիսների ընթացքում արդեն 2-րդ այցն է կատարում Ադրբեջան և դրա վերահսկողության տակ գտնվող տարածքներ այն դեպքում, երբ առավել նպատակահարմար կլիներ նրա գոնե մեկ այցը Չինաստան։
Կարդացեք նաև
2) Իրան-Իսրայել պատերազմի ժամանակ Ադրբեջանը թույլ է տվել Իսրայելին օգտագործելու իր վերահսկողության տակ գտնվող տարածքները, ներառյալ Արցախը՝ Իրանի հյուսիսային քաղաքներին ավիահարվածներ հասցնելու համար։ Հետաքրքիր է հատկապես այն, որ մի շարք իրանցի լրատվականներ և բլոգերներ Փեզեշքյանի՝ Ստեփանակերտ այցը լուսաբանելիս հրաժարվել են օգտագործել «Ադրբեջան» բառը և դրա փոխարեն գործածել են «Երկրորդ Իսրայել» արտահայտությունը՝ դարձնելով այն նաև հեշթեգ (#اسرائیل_دوم):
Այս լուսանկարում մի իրանցի օգտատիրոջ գրառում է՝ վերցված X-ից։
Գրառման մեջ Փեզեշքյանին հիշեցվում է, որ դեռ չի չորացել այն թավրիզցիների արյունը, որոնք նահատակվել են Ադրբեջանի տարածքից իսրայելական կործանիչների հասցրած հարվածներից»։
Հետո ինչ, որ իրանցիների շրջանում ընդունվել է ոչ միանշանակ։ Իմաստ չունի նման բաների մեջ ազգային օգուտներ փնտրել։ Իրանն ու Ադրբեջանը իրար «կխայթեն» էլ, կբարիշեն էլ և դրանից մեզ ոչ մի օգուտ չի գա։ Մեր իրանագետները բավարարվում են իրանական կայքերում եղած նյութերի ընթերցմամբ և որոշ տեքստերի թարգմանություններով։ Հարգելիներս՝ այդքանը դեռ իրանագիտություն համարել չի կարելի։