ՀՀ հակակոռուպցիոն կոմիտեի տարածած ձայնագրության Ալիկը՝ «Ուժեղ Հայաստան» կուսակցության խորհրդի անդամ Ալիկ Ալեքսանյանը չէ․ այդ մասին վերջինս ասաց այսօր, ՀՀ հակակոռուպցիոն դատարանի մոտ, լրագրողների հետ զրույցում:
«Այդ Ալիկը ես չեմ, մենք մի քանի Ալիկ ունենք»,-ասաց նա՝ հավելելով, որ ձայնագրության մեջ հիշատակված Ալիկն էլ իրենց կուսակիցն ու ընկերն է, հիմա տնային կալանքում է գտնվում։
Հակակոռուպցիոն կոմիտեն երեկ ձայնագրություններ էր հրապարակել, որոնք «Ուժեղ Հայաստանի» կողմից իբրեւ ընտրակաշառք բաժանելու «ապացույցներ» են։
«Սամվել վարչապետ», «Ազատություն Սամվել Կարապետյանին» վանկարկումներով Սամվել Կարապետյանի աջակիցները «Երազ» այգուց այսօր քայլեցին մինչեւ Հակակոռուպցիոն դատարան, որտեղ ընթանում է «Ուժեղ Հայաստան» ուժի վարչապետի թեկնածու, տնային կալանքի տակ գտնվող Սամվել Կարապետյանի գործով նիստը։ Դատարանի մոտ ցույցը շարունակվում է։
Կարդացեք նաև
Ամբողջական տեսանյութը՝ այստեղ
Նելլի ԳՐԻԳՈՐՅԱՆ
