«Մարդիկ կան, որ ուզում են իրենց անվան դիմաց լինի գրված վարչապետի թեկնածու։ Մենք նման կրքեր չունենք։ Վարչապետական գզվռտոցի մեջ չենք մտնելու։ Մենք ասում ենք՝ սա պատգամավորների ընտրություններ է, քվեարկելու ենք թե ինչպիսի պատգամավորներ ենք ուզում»,-ապրիլի 18-ին «Լուսավոր Հայաստան» կուսակցության համագումարում ասաց կուսակցության նախագահ Էդմոն Մարուքյանը։
Այնուհետեւ նա անդրադարձավ կուսակցության տեսլականին։ «Լուսավոր Հայաստան»-ն առաջարկում է Հայաստանի նախագահի պաշտոնը զբաղեցնի հոգեւոր դասի ներկայացուցիչ, այս պահին, օրինակ, Միքայել Աջապահյանը։
«Լուսավոր Հայաստան»-ը մտնելու է ընտրապայքարի մեջ ու քարոզարշավը իրականացնելու է «ոչ տրադիցիոն մեթոդներով»։
Կարդացեք նաև
«Մեր մոտեցումները հանրությանը ներկայացնելու ենք լրատվամիջոցներով, հանդիպումներով, նոր տեխնոլոգիաներով։ Չի լինելու որեւէ քաղաքացի, որ անտեղյակ լինի մեր ծրագրին»,-ասաց Մարուքյանը։
Այնուհետեւ Էդմոն Մարքույանն առաջարկեց պատասխանել լրագրողների հարցերին, որից հետո համագումարը կանցնի կանոնակարգային հարցերին, հաստատելու հունիսի 7-ին կայանալիք ԱԺ ընտրություններում առաջադրվելիք «Լուսավոր Հայաստան» կուսակցության 30 թեկնածուներին։
Արմեն ԴԱՎԹՅԱՆ
